افتتاح مركز سلطان (الجابرية)

تم افتتاح مركز سلطان جديد في الجابرية

المركز مكون من 3 طوابق

الطابق الاول : لوازم التنظيف - لوازم منزلية - الكترونيات واجهزة منزلية

الطابق الارضي : المأكولات الطازجه - البهارات والمكسرات - اللحوم الباردة

الطابق السفلي : المواد الاستهلاكية - المأكولات المثلجه والاجبان - الصحه والجمال

الجابرية قطعه 12 شارع 5

Hello Kitty في جمعية الخالدية

تم افتتاح كاونتر خاص بشخصية Hello Kitty في جمعية الخالدية الدور الاول :)

كل شي على هيلوو كيتي فرن ومطارة وثلاجه وتلفونات وموبايلات وجناط ومملحات وابجورات ومخدات .. الخ

Happy Birthday khadeeja

كل عام وانتي بخير يا اغلى بنت عم بالدنيا :**

مبروك يا كويت :*

كل عام وكويتنا الغالية بخير

الله يدوم علينا نعمة الامن والامان والخير والنعمة يا رب

وعسانا دوووم بأفـــراح :)

The Early Bird

من زمان اسمع في The Early Bird وكان خاطري اجرب اكله بس درب لي الفحيحيل شيوديني الصبح

استانست لما دريت انه فتحوا فرع في الجابرية

واليوم عزمت ورحت مع رفيجتي

المكان وااااايد صغير مايتحمل ناس وايد

هذا المنيووو اغلبه اومليتات

طلبت جاي حليب

تيركي جيز اومليت وهاش براون وصوصج

وتوست ابيض مع مربى فراولة

رفيجتي جيز اومليت مع بطاط وتوست اسمر

الريوق كان عادي وايد نفس ريوق البيت ماحبيته بصراحه

فاللي رايح من قبل وعاجبة ال The Early Bird يقولي شنو الشي الحلوو اللي ذاقه يمكن اجرب مره ثانية واغير رايي

سايت المطعم

http://theearlybirdkw.com/early/index.html

ستاربكس تحتفل بالاعياد الوطنية

ستاربكس طرحت مطارة للمشروبات الساخنه خاصة بالعيد الوطني وعيد التحرير :)

مطعم هرفي قريبا في القادسية

مطعم هرفي يفتتح فرع له في القادسية قريبا

دلـة وفنجـان

قريت في بلوق السلطانه عن محل دلة وفنجان وانواع القهوة اللي يسويها

وبما اني من عشاق القهوة والحليب رحت الصبح علشان اخذ حق الدوام ومره وحده اذوق البنات

قريت المنيووو واشتهيت الحليب بالزعفران خصوصا مع جو هالايام

المحل اول ماتدخلون جمعية ضاحية عبدالله السالم تلقونه مكان دلوايو

هذي المطارة مشاء الله عجيبة صج صج الحليب مايبرد فيها

وهذي حليبتي المزعفره بصراحه الكل زاااااااغ عليها وكلمهم سألوني من وين

هذا المنيوو

بصراحه السعر وايد مبالغ فيه ياريت يفكرون بالاسعار مره ثانية

وعلى فكره اذا وديتوا مطاطيركم مره ثانية يخصمون لكم 3 دك بس

Sultan Chocolate

طرحت شركة مركز سلطان شوكولاته خاصة فيها بمذاقات مختلفة

CacaO

قبل امس كنا في 360 مول وقررنا نقعد في كافيه Cacao

المكان هادي والقعدة حلوة

طلبت كابتشينووو بس ماحبيته

وفوندنت كيك حلوة بس اللي بجوكليت بار احلى بصراحه

بعيد التجربة ان شاء الله وبطلب شي ثاني :)

The November Bakery

من فترة سمعت عن محل نوفمبر بيكري للحلويات وبالاخص عن ال Red Velvet cake

رحت قبل جم يوم وخذيت جم قطعه من الكب كيك

وايد لذيذة بصراحه :)

وايد حبيت ديزاينات الكيك اللي في الالبوم وناوية ان شاء الله اسوي اوردر حق اول مناسبة تيي :)

نوفمبر بيكري في مجمع التلال - الشويخ .. تلفون : 22253445

البــــر

الاسبوع اللي طاف طلعت للمخيم مع بيت خالي

وايد استانست خصوصا اني مو طالعه البر من قبل الغزو

هذي طريق المخيمات

البقيات والبانشيات للتأجير
العاب لليهال

وصلنا المخيم بالسلامة

تغدينا كباب ومعدس

توني اشوف الذبانه بالصورة حسبي الله عليها لوووول خربت الصورة قطيعه

بالليل قعدنا يم الشبوب

وحطينا الجاي والكستنه

وباجي العدة لوول

كان يوم حلوو وان شاء الله ناطرين عطلة الربيع انقضيها في البر :)

Tmreya

محل تمرية في جمعية القادسية وجمعية الخالدية يقدم انواع تمر بالبسكوت والاوريوو والمكسرات وغيرها

الطعم لذيذذذذذذذذذذ حدة اللي يحب التمر لا يفوته وايد حبيته

ويقدم معاه انواع سوس تختارونها : هردة او توفي او كراميل او سوس جوكليت

Fries

وانا اتسوق للبيت في كارفور اكتشفت انه في فرايز جاهز ومقلي خالص بس تحطونه في المايكرويف وتقدمونه

سهرة راس السنه

قضيت احلى سهرة لراس السنه في بيت اخت رفيجتي ومع اهلها

وايد استانسنا وسوينا برنامج مسابقات وهدايا

الله يجعل هالسنه خير على الجميع يارب

هذي كيكة 2010

وتسلم ايدج صافي على الكوكيز اللذيذ
وهذي هدايا المسابقات وانا طلعت بحصيلة حلوة :)

Happy new year 2010

كل عام وانتوا بألف خير والله يجعلها سنة خير علينا جميعا يا رب

P.F.CHANGS now in Avenues

المطعم الصيني P.F.ChanGs الآن في الافنيوز بجانب لينوتر ومقابل H&M

نظارات كيفان ,, خدمة توصيل منازل

متعودة أخذ عدساتي من نظارات كيفان من ماركة BIOMEDICS

وقبل فترة وصلني مسج ان عندهم خدمة توصيل للمنازل :)

قلت هالمره ماني رايحة المحل وبجرب اطلب خدمة التوصيل وفعلا دقيت واليوم الثاني وصلولي طلبي بالموعد بالضبط

بصراحة خوووش خدمة :)

عندهم فروع وايد وهذي بعض ارقامهم

كيفان 24833484

مشرف 25399975

القادسية 22573981

النزهه 22561580

انتقل الى رحمة الله تعالى

انتقل الى رحمة الله تعالى الفنان الشاب محمد الأميـر اثر سكته قلبية :(

انا لله وانا اليه راجعون

تـــاج

مشكورة حياتي DoDoq8 على اهداء التاج لي بكشخ فيه اليوم :)

اسمك واسم مدونتك؟
Pink GirL

احب الالوان؟ الايام؟ الارقام؟
الوردي والاسود والفوشي \ الاربعاء والخميس \ 4 و 14

برجك وتاريخ ميلادك؟
الحمل \ 14 ابريل1980

اهم مميزاتك؟ واهم عيوبك؟ وماهى الصفه التى تتمنى ان تتوفر فيك؟
مميزات: امممم المفروض رفيجاتي ينسألون هالسؤال بس يمكن الطيبة واني غشمرجية وعلى نياتي

عيوب: اذا عصبت تطلع لي قرون لوول ومتسرعه شوي
الصفه الي اتمنى تكون فيني : البرووود والصبر وسعة الصدر

ماهو مكانك المفضل؟
داري وستاربكس الدعية مادري ليش احبه

ايه هى هوايتك المفضله؟
الانترنت - السباحه - الShopping - القراءة

ما المقوله اللى تؤمن بها؟
اتقي شر الحليم اذا غضب

اجمل هديه قدمت لك من مين؟
امي الله يرحمها ,, سيارة بمناسبة تخرجي من الثانوية

اسعد يوم فى حياتك؟ واتعس يوم فى حياتك؟
اسعد ايام حياتي لما ربي رزق اختي اول ولد كلنا استانسنا فيه
اتعس يوم بحياتي: وفاة امي الله يرحمها ويسكنها فسيح جناته 27/6/2008

موقف طريف لا ينسى من ذاكرتك؟
في عيد الفطر قبل جم سنة خالي بيعطيني عيدية بقولة مشكور جان اقوله مشخوور واختي كانت يمي وفضحتني خخخخخ

معاك ثلاث وردات لمين تهديهم ؟
ابوي الله يحفظه

عمتي بمناسبة طلعتها من المستشفى بالسلامة

رفيجتي ايمان بمناسبة المنصب اليديد

معاك ثلاث رصاصات على من تطلقهم؟
انا زهيوي اخاف اذبحه تبوني اطلق رصاصات لالالا ما اتحمل قلبي رهيَف ههههه

ايه رايك فى الحب؟ ولمن تقول اجمل كلمه حب؟
الحب حلوو لكن وين اللي يستاهل هالكلمة هالايام

اجمل كلمة حب تنقال للوالدين طبعا

هل من السهل ان تمثل الحب لشخص يحبك لعدم جرح مشاعره؟
ما اقدر امثل انا من عيوني انفضح

المراه فى نظر الرجل ......... أكمل ؟
نصه الثاني

الرجل فى نظر المراه........أكمل؟
عامود البيت

ماهو اسعد خبر سمعته هذا العام؟ وماهو اتعس خبر؟
اسعد خبر: توظيف بنت عمي معاي بالادارة
اتعس خبر: مرض عمتي الله يشفيها

لمن تهدى التاج؟
Crazy Girl in Germany

iLSuL6ana

Me Blogging