السبت، 30 مايو، 2009

Discovery Mall

مجمع ديسكوفري
قررنا اليوم نتغدا فيه ونستكشفه :)
اغلب المحلات ليلحين مافتحت
محل رياضي يديد
صعدنا فوق وهذا قسم العاب اليهال
بروي في الدور الارضي
محل اسمه قول فيه ملعب كرة قدم للاطفال تقدرون تحجزونه وايد حلوو
دخلوا الموقع وشوفوا التفاصيل
فيه مطاعم وكافيهات حلوة منها
Color Me Mine
كنتاكي
نيثينس
ذي بيزاريا
مكدونالدز
كيك ان بيك
كرسبي كريم
د.سموذي
جوكليت اند ماكرون
كوفي بين
سكوب اكون
شيليز
العاب
محل بيبي بي
محل ايكوو كيدز
ديب بي
صالون بابيلز للاطفال
مصور شيكيتا
نادي كيرفز للنساء
محل فنكي فيش

بصراحه خوش مول بس ما انصح تروحون له الحين يبيلة بعد فترة على ماتفتح باقي المحلات ويصير المكان احلى :)

الخميس، 28 مايو، 2009

انتقلت الى رحمة الله .. سمجتي :(

اليوم الصبح قعدت ولا وحده من سميجاتي مفنقشة وطافحه فوق
ضاق خلقي عليها وعلية تكسر الخاطر

الاثنين، 25 مايو، 2009

حسومات كارفور

البدليات منتشرة هالايام في الاعلانات .. كارفور هالايام عندهم (حسومات) تصل الى 70% P:

الأحد، 24 مايو، 2009

اسيوبيا

في ظل ازمة بيتنا مع الخدم .. كنت اليوم فاتحه الوسيط ادور مكاتب للخدم ولفت نظري هالاعلان اسيوبيا يعني اثيوبيا
كلش اللي كاتب الاعلان مو مصري :)

ALREEM styles

اليوم رحت معرض بيت 41 في العديلية قطعه 2 شارع الكليب
وشفنا طاولة وايد اجذبتنا
تكرمون جواتي بس وايد اشكالهم تونَس حلوووووين يشوقون
بس حسافة ما لقيت مقاسي مخلص
بنت خالي خذت واحد عليها بالعافية
اللي حبت هالستايل ترى المعرض موجود لي يوم الاربعا
وطاولة البنت اسمها alreem styles
رقمها 99413944

الاثنين، 18 مايو، 2009

تهنئة د. أسيل العوضي

وصلني مسج عن استقبال الدكتورة اسيل للمهنئين بمناسبة فوزها بالانتخابات
قلنا يالله نروح نهنيها ليش لأ

وقفنا سيارتنا بعيد ونزلنا مشاء الله عالم وعالمين
هذي الدكتورة أسيل بين والدها ووالدتها واهلها تسلم على طوااابير من المهنئين لها


مشاء الله شوفوا الطابووور

يعطيها العافية على الوقفة تعب والله
سلمنا وقعدنا وما بقى احد ماشفناااه من اهل ومشاهير
كافيه رمضان
جاسم يعقوب واهله
الدكتور عبدالرحمن العوضي
الصحفي العدواني اللي بمجلة اليقظة

اللي قدرت اصورهم المذيع قيس الشطي وزوجته حنان كمال
الملحن انور عبدالله
وهذا البيبسي شربناه وتوكلنا على الله
الله يوفقج يا د.أسيل ويوفق باقي نائباتنا ونوابنا لما فيه الخير لهالبلد الطيب

نكت الانتخابات

كيف تدخل كل نائبة المجلس
معصومة --> هبان
رولا --> دبكة
سلوى --> عرضة
اسيل --> يزفها فضل شاكر
توازن عجيب بين النائبات الفائزات :
2 عيم و 2عرب
2 شيعه و 2 سنه
2 متحجبات و 2 سفور
2 متان و 2 ضعاف
اول احرفهم كلمة (مارس) يوم انحل المجلس او مارس النساء حقهم الانتخابي
13 رقم حظهم لأنها الانتاخابات رقم 13
عجايب يا زمن المرأة
خيي الرئيس بدي استجوب وزير الطرقات لأنو معطل الاوتستراد التامن ولهلأ ما خلصوا
(رولا دشتي)
الاخ الرئيس نقطة نظام
هاو يا حافظ علام الحكومة ندزلها اسئلة سافهتنا انا اقول لازم يردون وبلا ربربة
(سلوى الجسار)
اخي ال president بخصوص issue البدون اللي تكلمنا عنها ال meeting امس في part بالقانون يحتاج تعديل otherwise we will face aserious مشكله مع هذول امهات لحايا الرجعيين if you know what i mean
(اسيل العوضي)

السبت، 16 مايو، 2009

صيد الكاميرا .. انتخابات مجلس الأمة 2009

ما اقدر انساكم حتى بالانتخابات
هذا صيد الكاميرا لهاليوم
هذي يحليلها بروحها نطت تبي تصور
بنات علي الراشد
آآآآآآآش آآآآآآآآآش بابا جاسيـــم
وتغدينا عند ربع جاسم الخرافي شاورما وسبرايت
ورحنا الشامية
يبيلة بردددد
زحمه يا دنيا زحمه
يا حلووووهم الصبيان
بنات جاسم الخرافي
بنات المطير ماقصروا عطوناا نبرد على قلوبنا بهالحر
مشاء الله زحمه بالشامية
المطيــر وصل
والبنات مستانسين فيه ويصفقون له
والشيخه امثال ياحلووها موجوده
مستانسة على شيلات وغناوي البنات وتقولهم غنوا عن الكويت
لاتصورني بس انا بصورك خخخخ
بوفيصل ويسوي لقاء مع سكوب
الله يوفقك يا الراشد
وهذي فجر السعيد بعد موجودة بالشامية
يحليل هالصبيان قاعدين على سور الثانوية
ان شاء الله عجبتكم الصور :)

أمه 2009

تم التصويت
اللهم ول علينا من يخافك ويتقيك ويتبع رضاك