الأحد، 28 مارس 2010

eyeglass cleaner

وانا احاسب اغراضي في A2Z حصلت شي غريب لفت نظري
كلينر للنظارات الطبية والشمسية سهله وصغيرة وفيها ميدالية
وبما اني اعاني مع نظارتي الطبية في البيت خمطت لي وحده
وهذي نظارتي مرتزة تتنظف
فكره حلوة وسهله وانصح اهل النظارات فيها :)
السعر : 1,990 دك

VELVET CUP

احب وايد ال Red Velvet
جربت وايد والاحلى عندي اهي كب كيك الفيلفت في نوفمبر بيكري وتيي بعدها الفيلفت مالت جوجوز كب كيك
سمعت عن الفيلفت كب وقلت اجربة
هذا البوكس .. كيوت
الكيكة خفيفة بس الكريمة اللي فوقها وااااااااااااااااااااااايد حالية
اتمنى يخففون شيرتها وبتكون وايد احلى
تستحق 65 %
ت : 97344544

السبت، 27 مارس 2010

بسبوسة البقصم

من زمااااااااااان ما كتبت وصفة ولا دشيت المطبخ
قبل جم يوم ذقت عند رفيجتي بسبوسة ولا اهي بسبوسة وعجبتني وايد انصدمت لما عرفت انها بقصـــــــــــــــــم !!
وقلت شي يديد وغريب يستاهل Post حق احلى زوار للبلوق
الله يسلمكم المقادير
5 بيضات
بيكن باودر
فانيلا
بقصم
شكر
زيت الذرة
فستق ناعم
الطريقة :
نخلط ال 5 بيضات وقفشة صغيرة فانيلا في ماعون
باقي المقادير بيكون المعيار اهوو جبن قلاص وسط
نفتت البقصم ونحتاج قلاص واحد
وقلاص شكر
وقلاص زيت
وقلاص فستق ناعم وقفشة وسط ممسوحه بيكنج باودر ونخلطهم بالقفشة

ونضيف عليهم خليط البيض ونستمر بالتقليب لما يصير جذي
نكون مزهبين بايركس مدهوون ونحط الخلطة
ندخلها الفرن على درجة 180 تحت بس لمدة نص ساعه وبعدها 5 دقايق من فوق وديروا بالكم لأن فوق بسرعه يتحمش
بعدها نطلعها ونخليها تبرد على راحتها
نرش عليها سكر بودر ونقصصها ونقدمها
وعليكم بالف عافية
شكرا افنان على الوصفة السهله :*

الأحد، 21 مارس 2010

Avenues Mother's Day Tree

يحتفل الافنيوز مول بعيد الام بطريقة يديدة
في المساحه اللي مقابل H&M و ستاربكس شجرة كبيرة واشجارها عبارة عن اوراق بإهداءات الابناء
اكيد مانسيت الغالية الله يرحمها ويغفر لها ويجمعنا وياها بالفردوس وربي يحفظلي ابوي ويخليه ذخر لنا يارب
وايد حبيت الفكرة والشكل كان يشووووق
برافوو الافنيوز

WoW .. Mother's Day spicial Cake

يقدم محل wow كيكة خاصة بالنوقا لعيد الأم
ببوكس انيق على لولوو

قيمة الكيكة = 28 دك

وهم يقدم هالساندويتش الحلوة وتقدرون تختارون الحشوة اللي تبونها
قيمتها 25 دك
وكل عام وامهاتكم بألف خير

الثلاثاء، 16 مارس 2010

Starbucks soon im Nuzha

مكانه وايد عجبني بقطعه 3 مجابل الحديقة .. ناطرين الافتتاح :)

Augustin's waffles

صارلي فترة اسمع عن Augustin's waffles
وقبل يومين مريت صوب الشعب قلت يالله اخذ اغراض للبيت من الجمعية واجرب الوافلز مره وحده
طلبت وافلز بالنوتيلا والموز
حطتها لي في هالبوكس المجكنم
كان شكلها حلوو بس اعتفست شوي على ماوصلت البيت لوول
بس الصراحه وايد لذيذذذذ
عندهم فرعين بالمارينا مول وجمعية الشعب

الأحد، 14 مارس 2010

Planet Hollywood Soon in Kuwait

مطعم النجوم Planet hollywood قريبا بيفتح اول فرع له في الكويت تقريبا مقابل المركز العلمي

الثلاثاء، 9 مارس 2010

Wilton Products at True Value

كل منتجات Wilton لتزيين الكيك موجودة الآن في True Value :)





افتتاح مركز سلطان (الجابرية)

تم افتتاح مركز سلطان جديد في الجابرية
المركز مكون من 3 طوابق
الطابق الاول : لوازم التنظيف - لوازم منزلية - الكترونيات واجهزة منزلية
الطابق الارضي : المأكولات الطازجه - البهارات والمكسرات - اللحوم الباردة
الطابق السفلي : المواد الاستهلاكية - المأكولات المثلجه والاجبان - الصحه والجمال
الجابرية قطعه 12 شارع 5

Hello Kitty في جمعية الخالدية

تم افتتاح كاونتر خاص بشخصية Hello Kitty في جمعية الخالدية الدور الاول :)
كل شي على هيلوو كيتي فرن ومطارة وثلاجه وتلفونات وموبايلات وجناط ومملحات وابجورات ومخدات .. الخ