الأربعاء، 29 أبريل، 2009

B.day Gift

اليوم وصلتني هدية وااااااايد حلوة من رفيجتي علشان عيدميلادي
اللون عجيب ووايد مريحة والتغليف يشوق :)
Thanxxx Haboooon :**

Happy Birthday Shayo5a

كيكة بسيطة سويتها لرفيجتي الحلوة شيووخه
كل عام وانتي بخير وعليج بالعافية الكيكة .. ان شاء الله عجبتج :)

الثلاثاء، 28 أبريل، 2009

مطعم هرفي في الكويت

تم افتتاح مطعم هرفي للوجبات السريعه في منطقتي الجابرية والجهراء
خدمة التوصيل :
الجابرية 25325910 - 25325911
الجهراء 24554510 - 24554520

الاثنين، 27 أبريل، 2009

ريوق مطعم بوبيان

اليوم الصبح بالدوام رفيجتنا طلبت ترويقة من مطعم بوبيان مادحينها لها خواتها
مشاء الله كان خوش ريوق مرتب ونظيف وحتى السماط يايبينه مع الطلب على اسم المطعم
هذا الجاط
فيه انواع كثيرة
فول
لبنه
حمص
جبن ابيض
جبن مثلثات
ورق عنب
مرتديلا
رهش
عجه
تبولة
فلافل
سمبوسة
زهره
بيديان
بطاط
مربى وقشطة
نوعين كبة
خيار
طماط
نعناع
ليمون
خبز
خبز صاج

هذا رقم المطعم والمنيووو


شكرا امووون خوووش ريوق :)

الخميس، 23 أبريل، 2009

Choowy Goowy in Avenues Now

واخيرا تم افتتاح محل خاص بكوكيز جوي قوي في الافنيوز القسم الجديد في الفود كورت

الأحد، 19 أبريل، 2009

Happy Birthday Fa6oOma

اليوم عيد ميلاد بنت بنت عمي ياحلوووها اسم الله عليها فطوومة كملت 7 سنين :) العمر كله يارب



كيكة فطووومة
هذا نصيبي من الكيكة
كل عام وانتي بخير يا فطومة وعقبال 100000 سنه :****

السبت، 18 أبريل، 2009

Chocolates & More

من زمان انا ورفيجتي بالدوام كان خاطرنا نجرب ككاو سايت جوكليت اند مور
قلنا ندق نسألهم عن التيست بوكس وقالولنا اوكي وعطيناهم العنوان
وصلنا الجيس وداخلة البوكس وااااايد مرتب وقيمته 5 دك
هذي الانواع اللي عندهم كلها واغلبهم لذيذذذذذذذذذذ
الخدمة روعه والككاو اروع
هذا سايتهم
http://www.chocolates-more.com/
رقمهم : 99282829

الأربعاء، 15 أبريل، 2009

My B.day Cake Home Made

بما اني اليوم الظهر كنت فاضية فقلت خل اسوي وصفة شفتها بالنت وفرصة حلوة انه اليوم عيدميلادي
مكونات كيكة الايس كريم اللي سويتها
- ايس كريم KDD جوكليت
- ايس كريم KDD فانيلا
- كيكه سارالي
- بيذان
- 8 شوكولاته آرو
- ماعون سيليكون
نحط الككاو في حمام مائي او مايكرويف
بالنسبة لي حطيته بالمايكرويف دقيقة وحده فقط اسرررع

بعد المايكرويف صار جذي

حطيناااه بالماعون السيليكون بهالطريقة ونحطة 10 دقايق في الفريزر
بعدها يكون صك شوي فنكون مجهزين الايس كريم ونحط الطبقة الاولى
خواتي يحبون البيذان فطحنته بس مو وايد وحطيته فوق اول طبقة
وبعدها حطيت الطبقة الثانية من الايس كريم اللي اهووو الفانيلا ودخلتها الثلاجه تقريبا 4 ساعات
بعدها حطيت الكيك السارالي وتركته بالفريزر نص ساعه
جهزت اغراض التزيين الايسينق والسبرنكلز
شلت السيليكون وصارت الكيكة جذي وزينتها بالايسينق
واخر شي طلعت الكيكة جذي :)
خواتي وزوج اختي وايد استانسوا عليها ومشاء الله طااااااااااارت
تسلم ايدي خخخخخخ

الأحد، 12 أبريل، 2009

Tory Burch تقليد !!!!

ماركة Tory Burch مو معروفة وايد لكن اغراضها وايد حلوة
ماصدقت امس شفت تكرمون نعال في محل Paprika تقليد لهالماركة
وااااي ما امداهم كل شي قلدوووه
هذي النعال التقليد اللي شفتها

وهذا جوتي Tory Burch الاصل

Mini Delights

امس رحت جمعية الخالدية اليديدة
ولقيت محل جيس كيك ميني عجيييييب
عنده انواع وايد منها :
- فستق
-ليمون
-ارو
- سنيكرز
-فيمتو
-شعر بنات
- كنافه
- كرز
- فراولة
-مانجا
-نعناع
-اوريو
-كراميل
الدرزن = 1,500 دك
هذا اللي خذيناه :)

الاثنين، 6 أبريل، 2009

الجمعة، 3 أبريل، 2009

ورود ملونه

ورود ملونه .. اصدار جديد بروايتين جميلتين للكاتبة علياء الكاظمي
قرأته كاملا بيومين فقط

بإنتظار اصدار قادم للمبدعه علياء