الأحد، 28 سبتمبر 2008

كوكا ليف .. 7 دك بس !

كيلوو الجوكليت بس 7 دك في كوكا ليف
فرصة حلوة حق العيد :)

كوكا ليف في السالمية يم مطعم قصر السرايا

تلفون : 5725150

الأربعاء، 24 سبتمبر 2008

Roberto Cavalli

وايد عجبني هالنفنوف
(Roberto Cavalli)
حق بنت اختي الزبووطة للعيد
بس حسافة اكبر مقاس يلبس 9 شهور
واهي الله يحفظها عمرها 3 سنوات ماكووو فايدة
جاري البحث عن بدلة العيد اللي حبت النفنوف لبنتها تحصلة في الصالحية فوق مادري شسم المحل بالضبط بس مجابل لايم لايت تقريبا يعني مو بعيد عنه
قيمته 100 دك

الثلاثاء، 23 سبتمبر 2008

FAUCHON

كان عندي جم شغلة في ليلى جالاري (غباااار)
ومريت فوشوون قلت اتطمش واخذلي جم شغلة حق القهوة بعد الفطور

ككاوهم يشوق
الكيلوو = 35 دك

هذي وايد عجبتني هدية رمضان

ب35 دكتفاجأت ان عندهم تمر 3 انواع
بالككاو
وبالجوز هند
وبالفستق

حصيلتي كانت شوية ككاو على مكسرات

سكر مغلف .. للعيد ان شاء الله
تميرااات مع القهوة حق بعد الفطور ومجابل التلفزيون :)

مكاين البانزين اليديدة

اليوم مريت للبانزين ولا مغيرين المكاين
يدد وشكلهم وايد احلى من القديمين

الاثنين، 22 سبتمبر 2008

SEPHORA .. Avenues Phase II

اليوم العصر رفيجتي عندها جم شغلة بالافنيوز ومرت علي
وقلنا مره وحده نلقي نظرة على محل سيفورا
العطور
مستلزمات التجميل


ادوات تجميل
العناية بالشعر
العناية بالجسم

التشكيلة تشوق وخمطت لي جم شغلة
طلعت منهم بهالاشياء للباث .. على فانيلا ريحته زووووغه ويحطونه في بانيووو ميني يشوق
سكراب
بودي بتر
هاند ووش
صابون
بودي سبراي
شاور جيل
ليفة

Sears Hawally

اليوم كنت في حولي وصدفة مريت يم محل Sears فقلت ادخل اشوفه
المحل امريكي ويبيع ستوكات لبعض الماركات الامريكية المشهورة مثل رالف لورين وكالفين كلاين وغيرهم
له فرعين بالكويت الاول في الضجيج والثاني في حولي شارع بن خلدون بجانب ماكدونالدز

المحل يتكون من 3 طوابق

الطابق الارضي
ملابس نسائية + اطفال


السرداب
ملابس نسائية
اجهزة كهربائية
اواني منزلية
شراشف
اجهزة رياضية
اثاث منزلي وللحديقة
الطابق الاول
ملابس رجالية
ملابس نسائية - سهرة
اكسسوارات





اللي احبة عندهم البديات والتيشيرتات اما باقي الاشياء عادية والناس اذواق :)

تشكيلة احذية جديدة في اثلاتيك فوت جمعية مشرف

شرايكم بالعفسة للتفتيحه اليديدة :)

الأربعاء، 17 سبتمبر 2008

101 شلون صار 102 !!!

اليوم كنت في الجابرية ولفت نظري هالاعلان عن محل الالعاب 102 في الجابرية مول !
انا خبري اسمه 101 شسواه 102 !!! تقليــــــد !!! المشكله مجابلة خطرة شارع !! ليش هالاسم عاد خلصت الاسامي ؟؟ ولا منافسة شريفة ؟؟
هذا الاعلان
هذا المحل الاصلي 101
(الصورة للاخ مشاري somecontrast)

Cafe Blanc in Avenues Mall

تم افتتاح كافيه بلان في الافنيوز

Car's Electronics

اليوم شفت شي بمركز سلطان وايد حلوو للامهات اللي عندهم اولاد
CARS
3 اشياء كلها حلوة وغريبة
هذا DvD سعره 32 دك
الكرتون اللي فوق منبه ساعه وراديوو سعره 14 دك
واللي تحت CD سعره 24 دك
ان شاء الله عجبوكم :)

98.4 FM MIX

اذاعه جديدة انضمت لباقي الاذاعات الكويتية
FM MIX 98.4

الثلاثاء، 16 سبتمبر 2008

قرقيعان سبيشال من خالتي لخالتي

امس وصل قرقيعان سبيشال او هدية من خالتي لخالتي الثانية
مشاء الله شكله وايد حلوو فقلت لازم انزله ببوست بروحه
هذا شكل القرقيعان من بره
وبعد مافتحناه
هذي المحتويات اللي داخل
حسافة ماصورت كل الاشياء اللي داخل
جيس القرقيعان
عطر
جيس مكسرات الرفاعي
بخور
زعفران
رهش
حلوى
هذا البخور
وهذا الرهش
وهذا الزعفران .. تبارك الرحمن ريحته عجيييييبة
عساكم من عوادة يا خالاتي وعسى الله يحفظكم ويخليكم لبعض وتهادون بعض طول العمر :)

الاثنين، 15 سبتمبر 2008

قـــرقيــــعان

جياس هالقرقيعان عندي من زمان
عاد قلت خل استخدمهم واسويهم حق خواتي وعيال اختي
وامس وزعتهم واستانسوا فيهم :)