الأحد، 31 أغسطس 2008

الجمعة، 29 أغسطس 2008

الام الظهر .. Voltaren

الوالد الله يحفظه صارله اسبوعين يشكي من عوار في الظهر
جربنا اللزقة مافادت
جربنا الفيكس فاد شوي
امس جربنا كريم فولترين .. والحمدلله خفت الالام
صيدلية بوتس
السعر : 2.480 دك

الجديد في كورنر المطاعم في الافنيوز

مطاعم وكافيهات وعصاير يديدة في الافنيوز بارت 2





The Crepe Cafe Breakfast

ريوقنا اليوم كان في كريب كافيه في الافنيوز بارت2
وهذا المنيووو صورته لكم للي بيجرب هالكافيه












هذا المكان .. حلوو


طلبي كان ماشروم وبيكين اومليت .. عجيييبة الصراحه
ورفيجتي طلبت مارجريتا كريب
مادري شفيني على الآيـس موكــا
ورفيجتي طلبت جاي ووايد تمدحه تقول طعمه غير
السويت نوتيـلا كريب مع فانيلا آيس كريم .. لذيذة

التجربة تستاهل 85%

الأربعاء، 27 أغسطس 2008

HUG salt & paper shakers

من فترة كتب الاخ يوسف بمدونة
عن هالمملحة
وفي ناس وايد سألوا عنها لأنها مو من الكويت
اليوم حصلتها في سوق المحاميد .. مجمع بهبهاني
وب 450 فلس فقط لاغير :)

Nuzha Wimpy after Renewal

مطعم ويمبي النزهه بعد التجديد

ماجلة رمضان

وانا رادة البيت شفت جدامي هالوانيت الازرق
انصدمت من جياس الجمعية اللي في ال Body بالوانيت مشاء الله في ناس اتمجل جذي ؟؟؟ شنو بتخلص الاغراض اللي بالجمعية برمضان !!!
استغربت الوضع بس عليهم بالعافية
صورة اقرب

SaSo .. restolounge

اليوم الظهر كنا ماريـن بشارع بشرق (مقابل مجمع دسمان) وشفنا هالمطعم او الكافيه اليديد .. كنا مخلصين شغلنا فقلنا نشرب شي بارد فيه

المكان حلوو وهادي مافيه احد


المنيوو

عطونااا المنيوو للطلبات الخارجية ومعاهم امساكية شهر رمضان المبارك
انا طلبت آيـس موكـا
رفيجتي طلبت فراغولا سبيشال (مانجو + اناناس + ايس كريم فراولة)
مادري ليش طرى على بالي ماتش بوتيتووو وطلبتها .. حدها لذيذة

التجربة تستاهل 80%

رقم الديليفري : 2476851- 2476852

وعندهم سايت لمعلومات اكثر

http://www.saso-lounge.com/main.html

سوق المحاميد .. مجمع بهبهاني

كنت ادور مواعين يديدة حق رمضان المبارك
سألت رفيجاتي والاهل وقالولي وايد اماكن ورحت لهم وماحصلت اللي ابيه 100% يعني من كل مكان خذيت شي
وامس وانا احووس في النت لقيت وحده اتكلم عن سوق المحاميد اللي في مجمع بهبهاني في شرق (تقريبا بالشارع اللي مقابل مجمع دسمان ونفس سطرة بيضون) وقلت لرفيجتي قالت بروح معاج فبما انَ احنا الثنتين اول مره نروح جزاها الله خير حماة رفيجتي وصفت لها المكان ورحنا
اول مانزلنا السرداب ولا المواعين اشكال والوان تحتارين شتاخذين مشاء الله
انا ترست لي عربانه ورفيجتي خذت جم شغلة
وحسابي طلع بس 18 دك .. بـــــلاش
انصحكم فيه يا بنـــــات :)
وعلى فكره في نفس المجمع سوق بو 100 ومحلات تابعه للمحاميد للملابس .. سوالف بجامات وهدوم خدم .. الخ
وهذي صور علشان تشوفون المكان قبل لا تروحون