الجمعة، 30 أكتوبر، 2009

Starbucks Car Service

بعض مقاهي ستاربكس في الكويت بدأت تقدم خدمة السيارات منها فرع العديلية - السالمية (بجانب مذركير) - حولي (بلازا)

اقراص العسل

من فترة كنت اتابع برنامج نايجيلا لاوسون في قناة فتافيت وشفتها تسوي وصفة سريعه وسهله وحسيتها حلوة
وهذا رابط الوصفة في موقع نايجيلا
مع الايام وانا احوس في البلوقات شفت الاخت lazy dazy مسوية الوصفة وهذا الرابط
اول امس كنت فاضية وقلت هذا وقتها
المقادير
نص كوب سكر (كاستر شوقر)
4 قفاش اكل عســـل
1 ونص قفشة بيكربونات الصوديوم
نحلط السكر والعسل على النار لما يذوووب السكر
نطفي النار ونحط البيكربونات ونخلط بسرعه
تصير الخلطة جذي
نكون مزهبين ورق الزبدة على ماعون مسطح ونحط الخلطة بسرعه عليها ونخليها على الطاولة او اي مكان بالمطبخ
ننطر ربع ساعه او اكثر شوي بتكون الخلطة يابسة ونكسرها
بتصير جذي
وعليكم بالعافية

فطاير على الطاير

امس كان بخاطري اتريق فطيرة زعتر وقلت بجرب مطعم ماطلبت منه من قبل
وكان الاختيار على فطاير على الطاير
طلبت زعتر وقلت اخاف تطلع مو حلوة فطلبت حلووم معاها
الطلب مرتب ونظيف ويايبين معاهم كلينكس هدية :)
الزعتر كان عادي كليت قطعه صغيرة والحلوم كانت حلوة بس استغربت انها ساده لا زيتون معاها لا زعتر سااااااادة
عموماً المطعم زين ويستحق التجربة مره ثانية لكن بتعليمات معينة
رقمهم1851111

الأحد، 18 أكتوبر، 2009

Sweet'n cup

وانا احوس في النت كالعادة لقيت صورة لكب كيك جوكليت شكله دمار اسمه Sweet'n cup
ماقدرت اقاوم الصورة وطلبت online
مشاء الله وصل الطلب بالموعد مضبوووط ومرتب وشغل عدل
والطعم الصراحه مو طبيعي
الدرزن = 6 دك
الرقم : 97977967

INGLOT now in Avenues

INGLOT الآن في الافنيوز - القسم اليديد في الدور 1



Toffee Nut Latteh is back

my best starbucks drink is back
Toffee Nut Latteh ♥

الثلاثاء، 13 أكتوبر، 2009

لا تؤجل زفافك !!

آخر الفناتك تماشياً مع انفلونزا الخنازير خخخخ دكتورة في عروسكم علشان تفحص المدعوين واللي فيه انفلونزا من غير مطرووود برررراااا ههههههههههههههه

معجنات السمجه

سمعت عن وحده في بيت تسوي معجنات على شكل سمجة وايد مدحوها
وقلت دام اهلي بيتيمعون عندنا خنجربها
السمجة العودة داخلها حشوة بيتزا والسميجات الصغار قلتلها ابيهم بحشوات مشكله
سمجة كبيرة + 20 صغار = 4 دك
ام محمد 99043580

Spa Time Avenues

من زمان اسمع عن Spa Time وقلت دام افتحوا اليديد في الافنيوز لازم اجربة
حجزت موعد قبلها بيوم لي انا ورفيجتي
ضيفونا بجاي اخضر وفوطة مبللة دافية
خذوا البيانات المطلوبة واخترنا المساج اللي نبيه ودخلونا غرفة التبديل
وعطونا هالروب
وتكرمون السليبر
افترقنا انا ورفيجتي كل وحدة بغرفة الاضاءة هاااااادية وموسيقى روعة وبدوا بمساج القدم وبعدها صار الجد وابتدا المساج الصجي
الساعه طارت بثانية
بعدها خذونا غرفة وعطونا جاي اخضر وتفاح اخضر وحطوا تحت رقبتنا وعلى ظهرنا شي دافي مثل المخده الصغيرة بس داخلها اعشاب
كانت تجربة حلوة بس بالليل حاشني عوار في جتوفي ذبحني لأنها كثرت المساج بهالمكان تقولي فيج ستريس :(
سبا تايم الافنيوز : 22598010
سبا تايم المهلب : 22668010

PINKBERRY

تم افتتاح فرع Pinkberry الاول في الشرق الاوسط في الافنيوز - القسم اليديد
ال Pinkberry عبارة عن روب او Frozen Yogurt بثلاث نكهات * النكهه العادية * الرمان * الجاي الاخضر
وتضيفون عليه فاكهه فريش (فراولة - موز - مانجو - بلوبيري ..الخ) او البسكوت والجوكليت وغيره




انا حبيته بس رفيجتي ماحبته :)
انصحكم تجربونه

الخميس، 1 أكتوبر، 2009

pinkberry Open now in Avenues

Tide

امس كنت احوووس كالعاده في مكاني المفضل (مركز سلطان) ولقيت شي يديد
تايد منزل تعليقة بريحة الفانيلا والافندر حق علاليق الملابس في الكبت
ريحتــــه عجيـــــــــــــــــــبة لازم تجربونه :)