الجمعة، 30 يناير 2009

مركز الدولية لرعاية الخيل

قال رسول الله صلى الله عليه وسلم «علموا أولادكم الرماية والسباحة وركوب الخيل»
ومن هذا المنطلق قلنا خل نبدي نعلم ركوب الخيل لولد اختي اللي عمره 7 سنوات
بعد بحث عن المكان المناسب اختارت اختي مركز الدولية لرعاية الخيل
12 حصة تعليم = 60 دينار
كل حصة مدتها 30 دقيقة
ياخذون الاطفال من 6 سنوات وفوق فقط
هذا المركز من بره


هذا الدرس الاول يعلمونها شلون التوازن على الخيل
التوازن طبعا بدون لا يمسكون لجام الخيل :)
وهذا المدرب يوجه اليهال

شوفوا شلون التدريب :)
ماقصروا ضيفونا بجاي
وخلص الدرس الاول

يازين خيالنـا واهوو ماخذ الخيل يردة الاسطبل

طبعا بالمنطقة في محلات لبيع لوازم الفروسية
احنا خذينا الاغراض من محل الوطنية وهي عبارة عن
* القبعة 10 دك
* البوووت 15 دك
* العصاة 2 دك
* البنطلون 17 دك
مشاء الله لوازم الخيل ماتوقعت هالكثر


ان شاء الله استفدتوا من هالبوست .. واللي عنده يهال ودوهم يتعلمون ركوب الخيل ترى حدهم يستانسون ولدنا حده مكيف على السالفة :)
رقم تلفونهم : 24755000

معرض الشوكولاته في فندق النخيل

لمحبي الشوكولاته
وصلني بالايميل اعلان عن معرض خاص بالشوكولاته والحلويات في فندق النخيل من 10 الى 13 فبراير :)

الثلاثاء، 6 يناير 2009

تبرعوا لغــزة

اخواني وخواتي متابعين البلوق
ادعوكم جميعا للتبرع لأهل غزة فهم والله بحاجه ماسه للغذاء والاحتياجات الطبية والكسوة
رب العالمين بيحاسبنا هل قمنا بواجبنا تجاه اخواننا في الاسلام
خلونااا نتبرع ونرفع ايدنا لرب العرش العظيم بالدعاء لهم
يا ذا الجلال والعزة انقذ المسلمين في غزة
اللهم كن لهم عوناً ونصيرا اللهم ربنا عزجارك وجل ثناءك وتقدست اسماءك
اللهم لا يرد امرك ولا يهزم جندك سبحانك وبحمدك
اللهم عليك باليهود الظالمين اللهم منزل الكتاب مجري السحاب هازم الاحزاب
اهزمهم وزلزلهم اللهم ارنا فيهم عجائب قدرتك قتلة الرسل والانبياء ظلمة العزل والابرياء
اللهم حرر المسلمين في غزة يا ذا الجلال والعزة
اللهم فك اسرهم واشفي مريضهم واكشف كربتهم اللهم بدل خوفهم امنا يا ذا الجلال والعزة
اللهم اعز الاسلام والمسلمين واذل الشرك والمشركين ودمر اعداء الدين
اللهم اجمع كلمة المسلمين على الحق يا رب العالمين

للتبرع عبر الانترنت http://www.khaironline.net/

وجزاكم الله خير

الجمعة، 2 يناير 2009

نـــــــــور

لعشاق المسلسل التركي نور
الاصدار كامل متوفر في اغلب محلات الفيديوو وصفاة الغانم وكارفور

الوفــــرة

امس واليوم قضينااهم بالوفرة
استمتعنا واحتفلنا بالسنه اليديدة وركبنا بانشي
غيرنا جووو وردينا اليوم البيت نشاااط
هذي صور من طلعتنا
الكستنه والبطاطا الحلوة على الدوة
احتفالنا الصغير بالسنه اليديدة :)
اليوم ركبناا بانشي وناااسه
ورود الوفـرة سيتي


بطيطات الوفرة
شرايكم بالنعامة الحلوة هذي
وهذا حشاكم الحمار بس مو البطل الصامت :P
رحلة خفيفة وظريفة :)

تقليد Chanel !!

تذكرون جنطة شانيل هذي ؟؟؟
اول امس كنت اتمشى في ريد تاق (الشويخ) جان اشوف هالجنطة التقليد اللي نفس موديلها
وب 7 دنانير وشوي .. اي شي :O

الخميس، 1 يناير 2009