كنت ادور مواعين يديدة حق رمضان المبارك
سألت رفيجاتي والاهل وقالولي وايد اماكن ورحت لهم وماحصلت اللي ابيه 100% يعني من كل مكان خذيت شي
وامس وانا احووس في النت لقيت وحده اتكلم عن سوق المحاميد اللي في مجمع بهبهاني في شرق (تقريبا بالشارع اللي مقابل مجمع دسمان ونفس سطرة بيضون) وقلت لرفيجتي قالت بروح معاج فبما انَ احنا الثنتين اول مره نروح جزاها الله خير حماة رفيجتي وصفت لها المكان ورحنا
اول مانزلنا السرداب ولا المواعين اشكال والوان تحتارين شتاخذين مشاء الله
انا ترست لي عربانه ورفيجتي خذت جم شغلة
وحسابي طلع بس 18 دك .. بـــــلاش
انصحكم فيه يا بنـــــات :)
وعلى فكره في نفس المجمع سوق بو 100 ومحلات تابعه للمحاميد للملابس .. سوالف بجامات وهدوم خدم .. الخ
وهذي صور علشان تشوفون المكان قبل لا تروحون
هناك 3 تعليقات:
في ناس لو تقولين لهم شارية الاغراض من المحاميد
يعيشون الدور عليك
بس لو توريهم الاغراض و تقولين انك شاريتهم من تريفاليو او ايكيا
يصدقون ويمدحون فيهاو اللي بو دينار قولي انه بسبعة
يقولون لك اي و سعره حلو بعد
انا من زمان طايح عليهم
بس حق اغراض الدوام
و مرات لما اتعاند و يا المره اروح و اشترى من هناك
بس طبعا اشيل الكياس و اقولها اشرايك
و اسوي عليها الفيلم
و اخرتها تقولي امش بنشتري بعد من هناك و تنصدم لما تلاقي نفسها هناك
ههههههههه
لووول والله بدينار ولا 7 اذا الذوق حلوو كل شي يصير حلوو :)
نلاقي عندهم جياس ولا علب حق القرقيعان؟
إرسال تعليق