من زمان اسمع في The Early Bird وكان خاطري اجرب اكله بس درب لي الفحيحيل شيوديني الصبح
استانست لما دريت انه فتحوا فرع في الجابرية
واليوم عزمت ورحت مع رفيجتي
المكان وااااايد صغير مايتحمل ناس وايد
هذا المنيووو اغلبه اومليتات
طلبت جاي حليب
تيركي جيز اومليت وهاش براون وصوصج
وتوست ابيض مع مربى فراولة
رفيجتي جيز اومليت مع بطاط وتوست اسمر
الريوق كان عادي وايد نفس ريوق البيت ماحبيته بصراحه
فاللي رايح من قبل وعاجبة ال The Early Bird يقولي شنو الشي الحلوو اللي ذاقه يمكن اجرب مره ثانية واغير رايي
سايت المطعم
هناك 7 تعليقات:
مشكوووووووووورة على المعلومة
علشان ما أجربه
بصراحه حتى انا ما حسيت ان اكله مميز بس الي عاجبني فيه فكرته وتوقيت خدمته من خمس الفجر يناسب وانا رايح للداوم الصبح او طالع من شفت النايت ...بس شخصيا انا متعود اخذ البانكيك دايم مع الفراوله والكريم او الموز او الشوكلات تشيب وطبعا مع سيروب العسل وحليب عادي معاه..اعتقد هذا احسن شي عندهم حتى اني ملاحظ الامريكيين كله يطلبونه...وعلى قولتج المكان حده
صغيرون مايستوعب
قاعده من الفير على شان هـ المطعم مايسوي الصراحه ، لو متريقه آش ونخي ابرك لج ،، تحياتي
جربي الفرنش توست مع فراولة وسيرب او جوكليت جيب بانكيك والستروبري شورت كيك حلو عندهم
جربي الكلوب ساندويش
جربي ذا وركز اومليت
بان كيك مع فراوله
او فرنش توست مع خوخ وكريمه :>
تصدقين انا حسيت انه عادي جدا وكلامج اكدلي احساسي :)
ترا محد خااااااابنا بالكويت ع االمطاعم الا هالشباب ... من كثر ما ياكلون fast food عندهم اي اكل غيره يكون عجيب و حلو .... و احنا البنات نروح ناكله نقول عادي اكل البيت احلا عشان احنا نتفنن باكل البيت و اهم يخلونه و يروحون ياكلون بره.....
إرسال تعليق