قريت في بلوق السلطانه عن محل دلة وفنجان وانواع القهوة اللي يسويها
وبما اني من عشاق القهوة والحليب رحت الصبح علشان اخذ حق الدوام ومره وحده اذوق البنات
قريت المنيووو واشتهيت الحليب بالزعفران خصوصا مع جو هالايام
المحل اول ماتدخلون جمعية ضاحية عبدالله السالم تلقونه مكان دلوايو
هذي المطارة مشاء الله عجيبة صج صج الحليب مايبرد فيها
وهذي حليبتي المزعفره بصراحه الكل زاااااااغ عليها وكلمهم سألوني من وين
هذا المنيوو
بصراحه السعر وايد مبالغ فيه ياريت يفكرون بالاسعار مره ثانية
وعلى فكره اذا وديتوا مطاطيركم مره ثانية يخصمون لكم 3 دك بس
هناك 10 تعليقات:
حلو
:)
قاعد اقرى المنيو و اقول اشفيها بينك تقول مبالغين بالاسعار ثلاث دنانير عادي
والا البس النظارة 13.دينار خير ليش
احسن كيلو بخمس دنانير و اشوية ماي و تفويحه علىالنار و شخله فقط بثلاتعش دينار
و الحلو ليش يعني هيل و زعفران قبل ما يسوون محلهم كانوا يصدرون حق الخليج السعودية و قطر و ما كانت هالاسعار
شكله يشهي وايد
شدعوه .. ليش عاد هالأسعار .. الواحد يقط فلوس بس مو للهدرجة عاد !!
المفروض على قولتج يغيرون هالاسعار و لا ترا بيطيح بجبدهم المحل :)
يعطج العافية :)
علييييكم بالعافيه وشكل حلو بس الاسعار شوي مبالغ فيها :(
شكرا
حليب وزعفران ب15 دينار شنو ماكو شغل فلوسكم لاقينها ولا بايقينها ناس مولاقيه تاكل وانتوا بطرانين ، اللهم لاتحاسبنا بما فعل السفهاء منا
عليج بالعافيه ..
بس اشكثر فيها المطاره؟ نفس المطارات العاديه اللي فيها لتر تقريبا؟ ولا شوويه حق شخص واحد؟؟
وشكرااا
حشى انتي يايه توج من العراق
بصراحه صفحتج حلوه واايد نايس وتشرح القلب وانا توني اعرف عن محل دله وفنجان الله يعطيج العافيه شكلي بجرب قهوتهم والاسعار بالنسبه للبعض مبالغ فيها بس عند اهل الضاحيه كل شىء عادي
بصراحه ومن دون زعل الأسعار مبالغ حيل فيها شنو يعني ١٥ دينار قهوه طول عمرنا نشرب قهوه لكن ١٥ هذي جديده ويلي تقولين من الضاحيه عاديه الأسعار عندج الله ايعافيج شقالولج اعيال الضاحيه كلهم اغنيه مافيهم طرق المعاش وبعدين لافين أفلوسنا بالشارع الي ١٥ دينار قهوه والله يبا زين وتصيحون خله يخييس وين الله أيوفقكم وانتم بطرانين الله يكون بالحال والله يصلحكم علي قولت المثل لو تجري جري الوحوش غير رزقك ماتحوش
إرسال تعليق