كيكة السور الكتكاتي

خذيت وصفة هالكيكة من منتدى كويتيات وايد عجبني شكلها وقلت اطبقها

المقادير

20 صبع كتكات

1 ارو

1 فليك

1 مالتيزرز

2 كيك سارالي او اي نوع ثاني

2 قيمر KDD

1 ظرف كريم كراميل

1 ظرف دريم ويب

6 حبات جبن كيري

وتحتاجين ماعون الجيز كيك المتحرك

نصف الكيت كات بهالطريقة يفضل انه يكون بالثلاجه

انا اللي حطيته شوي ذايب لأني حاطته بره :(

نحط نص الكيك بالماعون
نسيح الاروو في الميكرويف

نحطة على طبقة الكيك الاولى ونصف عليه باقي الكيك

نخلط الكيري والقيمر والكريم كراميل والدريم ويب

نحطهم فوق الكيك ونزين الكيكة بالفليك والمالتيزرز ونخليها بالثلاجه يوم كامل

لما نطلعها نزينها بشريطة وهذا الشكل النهائي

بالعافية ومشكورة اخت (سمسمية) من منتدى كويتيات على الوصفة الحلوة

تقليد M&M's

قبل جم يوم كنت احوس في محلات حلويات الجمله اللي في الشويخ
اكتشفت عندهم اشياء غريبة عجيبة
واكثر الاشياء اللي لفتت نظري كل ماقلتله عن نوع ككاو قالي يبي تقليد ولا اصلي
ماتتخيلووون كل شي في منه اصلي وتقليد ككاو كادبري وعلوج جكلتس وحلاو فيرو بوقلب حب وغيره وغيرة
بس اكثر شي شد انتباهي ال M&M's
هذا الاصلي

وهذا التقليد LUCKY&M

شرايكم لوول

Jaime Beattie Headband

مره وانا احوس بالنت لقيت سايت استرالي حق الاكسسوارات الهاند ميد

وعجبني عندهم Headband يشوق

على حظي البينك كان مخلص فأخترت اللون البرتقالي طلبته لأن يوصل سيييدة الكويت بس طول تقريبا فوق الشهر الى درجة اني نسيته

اليوم ابوي ياني الدار وبيده علبة تركواااز ولا يقولي انتي طالبة شي من استراليا !!!! قلتله اي اي وصل وناااسة

فتحت العلبة ولا كاتبين لي شكر بخط الايد اني شريت منهم ويتمنون ان عجبني الهيدباند

شرايكم كيووت صح ؟؟؟
اللي حبوا ال Head band هذا السايت
http://www.jaimebeattie.com.au/item.php?item_id=265&category_id=14
السعر تقريبا 11 وشوي دك

غبار

الغبار برا شي خيالي

كرات البسكوت الملونة

قبل جم يوم قريت طريقة حلوو عجبني (كرات البسكوت الملونه) في منتدى كويتيات وامس طبقت الطريقة :)

الطريقة

خلطة كور البسكوت

- 4 باكيتات كبار (بالنسبة لي استخدمت 12 حبة من اللي بالكرتون)

- 1 حليب محلى نستله

- 1 زبدة لورباك

- 2 ملعقة اكل ماي دافىء

الكريمه

- ا قيمر KDD

- 4 حبات جبن كيري

- 1 ونص كيس دريم ويب

- 3 الوان طعام (احس نوع اللي على صورة الحرمه المبرقعه الباقي اللي على فاكهه كلش موشي)

نطحن البسكوت بمطحانة القهوة
بعدين نخلط البسكوت المطحون مع الزبدة بعد مانسيحها وحليب نستله المحلى وقفشين الماي الدافىء

نخلط لما تتكون عندنا عجينة نقدر نشكلها (اذا صارت سائلة زيديها بسكوت مطحون لما تشوفينها صكت وتقدرين تشكلينها)

نخلط الحين مقادير الكريمة

الكيري والدريم ويب ونص حليب نستله المحلى والقيمر

بعدها نقسم الكريمه الى 3 صحون علشان نخلطهم بالالوان اللي عندنا

انا اخترت الاحمر اللي صار وردي والازرق والاخضر

نسوي من عجينة البسكوت كور بالحجم اللي نبيه

بعضهم حطيت فيهم لوز

نغمس كل كره بلون ونصفهم بالصينية او الطبق

بعد ما نخلص نزينهم بفليك

ونقز بكل كره عود اسنان ونحطها بالثلاجه علشان يبردون قبل التقديم

ان شاء الله عجبكم وبالعافية مقدماً

سيتي سنتر والسمك

اكتشفت شي يديد في سيتي سنتر السالمية

انه قسم بيع السمج بالدور الاول تقدرون تختارون منه السمج اللي تبونه ويقليه او يشويه جدامكم

شكله يشوق بس كان في طابور جدامي فقلت ايي يوم ثاني مبجر اجربة

الفرن والمقلة
السمج ومكتوب على كل شي سعره

Villa Moda 50%

بدا سيل فيلا مودا

ومشاء الله الناس من الصبح هناك

عجبوني تكرمون نعل جينا بس كان بخاطري شي غير

فيرغامو هم تشكيلة الفلات عنده حلوة

هالجنطة حليوة

زحمه زحمه زحمه والموجود مايسوى الصراحه

بس في شي يديد بهالتنزيلات فيلا مودا قام يوزع ماي باااارد حق الزباين لأن موووت حر لوول

ايس كريم الشتلات

الظاهر اني بقلب البلوق حق وصفات الحلوو

اليوم قلت بسوي شي خفيف ولذيذ وماياخذ وقت حق يمعة بيت خالي

المقادير

ايس كريم KDD

كيكة سارالي او امريكانا

بسكوت اوريوو

اعواد شرب

ورود صغيرة

اكواب القهوة اللي لونهم بني

اول شي نفتت الاوريوو لما يصير بودر

نحط كيك بقاع الكوب
بعدين الايس كريم ونقص العوود طول الكوب ونحطة بالنص

ننثر الاوريوو فوق الايس كريم لما نغطيه

ونحط غصن الوردة في العود وتطلع بهالشكل

وعليكم بالعافية

راحت الثانية

ماتت السمجة الثانية :(

كنافة كب كيك

وصلني ايميل مقادير كنافة كب كيك شكلها وايد شوقني

وامس كنت معزومة فقلت اجربها

المقادير

كنافة (انا استخدمت ماركة الكرامه نص كيلو)

زبدة 250 جم

قشطة KDD

فستق مبشور

شيرة (انا شريتها جاهزة من الجمعية)

اول شي نفتح الكنافة

ونفتفتها بإيدنــا
نسيح الزبدة

نخلطها مع الكنافة مع التقليب علشان تختلط الزبدة بالكنافة كلها

ندهن ماعون الكب كيك بشوية زبدة

نحط طبقة من الكنافة لي لي النص ونرصها عدل

نحط القشطة بالنص واللي يحب يقدر يحط معاها لوز او اي شي ثاني

نحط طبقة ثانية ونضغط الاطراف فقط جنكم تغلفونها

ندخلها فرن متوسط الحرارة اول شي نشغل الفرن تحت وبعدين فوق ليما تتحمر شوي

نطلعها من الفرن وتكون بهالشكل ونحط على كل قطعه قفشتين شيرة

وبعدها نزينها بالفستق :)

وعليكم بألف عافية :)

واللي تطبق تقول لنا