المفروض اكتب البوست وقت القرقيعان بس انشغلت شوي
طبعا القرقيعان عادة تراثية حلوة يحتفل فيها اليهال (الاطفال) ليلة 13, 14 و15 من شهر رمضان
وهم يفترون ويطقون البيبان يسألون عن القرقيعان (حلوى ومكسرات) وينشدون الانشودة الشهيرة
قرقيعان وقرقيعان بين قصير ورميضان
عادت عليكم صيام كل سنه وكل عام
يالله تخلي ........... يالله تخلها لامها
عسى البقعه ماتخمها ولا توازي على امها
وتختلف مسميات القرقيعان في دول الخليج .. قطر يسمونه قرنقعوه والبحرين قرقاعون والقرنقشوه في عمان :)
مع تطور الايام بدا حتى القرقيعان يتطور وبدوا الكبار يهتمون فيه ويتفننون فيه اكثر من الصغار :)
هالسنه وصلني اكثر من قرقيعان
هذا قرقيعان هيونه الحلوة .. راقي وفكرته حلوة مثلها
مكسراتجاي احمر
شوكليت Läderach
زعفران
زعفران
سكر على قفشة
وجوكليت وبسكوت على قفشة
قوري
قرقيعان بروكي .. علبة راقية وعليها صورة مبارك الزوغه :)
وهذا قرقيعان فطامي المزيونه .. نـــــازك وحلو
قرقيعان مريومة الجميلة .. قوري مزركش شحليله
واخيرا قرقيعان جنى وغلا .. الككاو من جنيف والجيس مقسم وفكرته يديدة :)
عساكم تعودووونه يارب وعساها عادة ماتنقطع يارب وربي يخليلكم عيالكم ويفرحكم فيهم :*****
هناك 6 تعليقات:
ما شاء الله عليكم بالعاااافية
يونس شكله وأفكار غريبة وحلوة
=)
واااو وناسه عجبتني الأفكار خصوصا مال الغوري شكله مبتكر ويوحي بالقرقيعان ^^
:)
ماشاءالله كلهم حلوين و أفكارهم أحلى
السلام عليكم
ماشاء الله قرقيعانكم عجيييب ..
بس بغيت استفسر منج
من وين مسوين قرقعيان بروكي شكله زووووغه وغريب ماشاء الله ..
يهبلون عليج بالعافيه
http://alkansa30.blogspot.com/
گرگیعان وگریعان مال السنه ومال العام تنطونه لو ننطيكم لبيت مكه نوديكم....يهل السطوح تنطونه لو نروح
إرسال تعليق