الثلاثاء، 17 أغسطس 2010

مسلسلات رمضان 2010

هالسنه عندنا طفوووح بالمسلسلات
كان اختياري اني اتابع مسلسل اميمة في دار الايتام وزوارة خميس
ولكن ساعات احوووس بالريمووت واشوف لي ربع ساعه حلقة مني ونص ساعه حلقة مني
ملاحظاتي عن اول ست حلقات من جم مسلسل
زوارة خميس
صج انه يونس وفيه بعض الاشياء الواقعية بخصوص حياتنا اليومية لكن اغلب الاشياء مبالغ فيها
- اول شي صعب بهالزمان تكود كل هالاوادم في بيت واحد !! اربع جناين وفي بيت واحد وعلى قلب واحد تقريبا مستحييييييييل
- وحدة يخونها ريلها وكل شوي تكتشف انه يعرف وحده وبالاخر يقولها رغبة جسدية !! هل ارضى اني اشوف ويهه اصلا !! ولا كأن مسوي شي كل شوي مسامحته
- ملاك شدعوه عليج الحرمه الديَنه كل شوي ترمش !!
- 1000 دينار بالنون !!! بيت قارون لا وسوار كارتيير قيمته فوق ال 1200 دك ينحط بالنون !!!
- خاتم شوبارد ب 700 دك بالشوربة ماكووو حيلة ثانية ما عورة قلبه لما شاف الخاتم متلغمط واهوو يديد !!!
- مرام 24 ساعه تسريحه مو لي هالدرجه عاد
- لمياء طارق اول شي تزف الوقح ريل حماتها وتالي ببساطة تاخذ مفتاح الشقة !!!
في وايد ملاحظات على هالمسلسل والدليل برودكاستات ال BB
اميمة في دار الايتام
وايد حبيت هالمسلسل وعجبني اكثر من زوارة خميس بس هم لي ملاحظات
- معقولة ملجأ او دار ايتام بس فيها هالعدد القليل !!!
- معقولة المسؤول عن الدار بس 3 وكل شي عليهم الاكل والتنظيف و... و ....... الخ
- الجناط واللبس والموبايلات والبذخ معقولة عيال الدار جذي ينصرف عليهم ؟؟؟؟
ليلة عيد
مع اني ماتابعتة بس حبيته وناوية اشوفه بعد رمضان ان شاء الله
كريمو
احسه حق فئة معينه اهم اللي استمتعوا فيه اكثر اقصد اخواناا العيَم
بالنسبة لي ماحبيته وايد الفطين مع انه عادي بس كان احلى
ساهر الليل
شفت جم حلقة بس وقررت اتابعه بعد رمضان ان شاء الله
البيت المسكون
ماله هدف ولا معنى مووووولية
مادري ليش المسلم يمووووت على سوالف الينانوه والاشباح
انتواااا شنو ملاحظاتكم ؟؟؟؟؟؟؟ :)

هناك 14 تعليقًا:

عثماني يقول...

مبارك عليج الشهر

و كل عام و انتِ بخير

عن نفسي ... ما اشوف شي بهالشهر

:)

متعه

غير معرف يقول...

انا شفت لقطات من كل مسلسل + حجي البنات باليمعه
احس زايدين في الوقاحة وقلة الأدب والجرأة يعني ما يصلح حق رمضان
الله يهدينا ويهديهم

DoDoq8 يقول...

انا بس اشوف زواره خميس

ومادري احس بعض ملاحاظتج بخصوص هلمسلسل ممكن تصير ماكو شي مستحيل

DoDoq8 يقول...

ايي تذكرت عندي ملاحظه بزواره خميس مادري اذا كان التصوير بالصيف ولا الشتى ساعات يدشون لابسين فرير وساعات يقولون صيف وحر احس تناقض

ShaymoOona يقول...

مبارك عليج الشهر و تقبل الله طاعتج

بالنسبه حق المسلسلات انا اشوف زوارة الخميس ...وااي صج احب هالمسلسله على كثر النقاالي لاحظتها بس هم حلوه و فيهاا من الواقع الي قاعدين انعه وااايد :)

TruTh يقول...

مبارك عليج الشهر

انا ليما الحين ما تابعت ولا مسلسل
كلش مالي خلق
و يقهروني الممثلين انهم كلهم يتسابقون على ان تنحط ملسلاتهم في هذا الشهر
ودي اعرف منو اللي طلع هالسالفة السخيفة

و اساسا ما احس اكو وقت حق كل هالمسلسلات

مسلسل البيت المسكون شفت دعايته و صج صج مثل ما قلتي ما احس ابدا ان له معنى و فعلا مادري ليش المسلم يحب هالسوالف الغير واقعية

ويعطيج الف عافية

زلابيا يقول...

انا اشوف زوارة خميس

حلوو وفي اشياء مبالغ فيها بس يمكن بيوت تصير فيها جذيه مادري

اللي احس ان مبالغ فيه اميمه

امبيييييييه شدعوااااا

ولا حلقة اليوم يوم يندعسون ثلاثتهم (هدى-طيف-الهام) اب دبة السياره

امبيه شالمبالغه كلش شي مايدش العقل

حتى حلقة يوم هدى تدخل وره البنات البيت وبنفس الوقت دش عوض !!

واااايد مبالغين

وعلى قولتج دار ايتام بس ثلاثه يشتغلون فيها !! وليش مافيها سيكيورتي

ودي اتابع بعد رمضان ان شاءالله

ساهر الليل

انين

ليلة عيد

Unknown يقول...

مبارك عليج الشهر
انا متابعة زوارة خميس و ساهر الليل وعايزة اتجوز :)

غير معرف يقول...

من المسلسلات المحلية اتابع زوارة الخميس و الصراحه حلو و خفيف و ظريف و فيه من الواقع .. اللي حسيت انه شوي مليق اميمه .. احس ان ممكن البنات الصغار اهم اللي ممكن يستانسون عليه بس مو مسلسل شامل .. وفيه مبالغات

اما المسلسلات المصرية : الحارة - العار - الجماعة

Bor8y يقول...

انا راح اعلق على مسلسل اميمه

طبعا انا وايد احب مسلسلات هدى حسين واحس لها طعم خاص وافكار يديده واحسها تبي توصل معلومه للناس

لكن اتوقع ان هالسنه الفنانه هدى حسين خابها ضنها شوي

المسلسل فكرته حلوه وماننكر ان دور الفنانه هدى انها تحاول اطبق دراستها على هاذي الفئه


لكن ومع الاسف في اغلاط لي الراس

اولا من بداية المسلسل لمن اخطفوا بنتها بالعقل اول شي الانسان ايروح ويبلع عن الطفله وحده من الثنتين يا اما بيقطونها في دور الرعايه او انهم يقتلونها ويقطونها فجذي ولا جذي راح تطلع الطفله

ثانيا نيي حق دار الايتام اولا عمرها ماصارت بيتهم بعيد عن الديره ولا جبال بحر ولا شاليه!! اهمه يسكنون في مكان داخلي وداخل هالمكان فيه مثل بيوت او نظام شقق ثانيا داخل هالبيت الواحد مايزيد عن 4 بنات ولهم مربيه وحده او ثنتين مافي مشكله

بعدين وايد معطينه فكره غلط عن بنات الدور انهم وقحات وقليلات ادب ليش!!

وبعدين ماتدخل عليهم ضوابط الي دخلتها هدى حسين عليهم وكأنهم في عسكريه لا وين قاعدين حته الام والابو الي يربون مايسون جذي خلاص الواحد من يدخل بيته يبي ياخذ راحته

وبعدين لمن تخليهم على كيفهم وين يروحون ووين ايرون يعني مثل لمن البنات يواعدون شباب ولا يروحون يصورون مسلسل وهيه حضرتها تلاحقهم كأنها كونن لا قويه شوي ماتصير حته بواقعنه

اما بنسبه لكلامج انه كل وحده عندها موبايل لا هاذه عادي بالعكس مومخلين عليهم قاصر مشالله اي شي يبونه على طول اييبونه لهم من غير مناقشه انا اذكر لمن كنت بالثنويه على زماني نادر البنات الي يمسكون موبايل كانوا معانه 3 من دار الايتام اهمه الوحيدين الي عندهم موبايلات وحنه الناس العاديه ماكانت عندنا

كنت حابه اشوف هالمسلسل افضل من جذي وخصوصا ان الفنانه هدى حسين عندها التكتيك القوي والفن الراقي بالاختيار الصح وخصوصا ان فكرة المسلسل قويه وهادفه لتوصيل معلومه حق الناس عن بنات الدار علشان الناس تغير رايها عنهم لكن مع الاسف وصلتها بطريقه فاشله وماتدخل المخ امانتا

لكن بشكل عام انا حبيت المسلسل وخصوصا تجمع البنات مع بعضهم لمن يتهاوشون وايد ايضحكوني وانا ليلحين قاعده اتابعه

بنسبه للكاتبه هبه مشاري حماده هالمره خاب ضنها في زوارة الخميس واميمه كنت حابه اشوفها تكتب ابأكثر واقعيه

ماعرف شنو سر الكتاب والفنانين لكبار بعدم توصيل الفكره الواقعيه للناس شنو يستفيديون انا مادري!!

انا بنسبه لزوارة الخميس فماعندي اي تعليق كل الي كتبتيه صح لكن اقدر اقولج على الاقل هالسنه شفنه مسلسل شوي ايونس منزمان ماشفنه مسلسل ابهالطريقه عايله مجمعه وضحك ووناسه انا خبري في هالمسلسلات قبل الغزو

سامحيني على لطواله ومبارك عليج الشهر

7rameya يقول...

ana a7la shaii 3jbnii omayma fe dar elaytam lana 7ada ywans o 3alla 6be3thoom oo fa9leenn walla wanasa

Desserts يقول...

اي والله صاجه
بس ساهر الليل ترى حلو تابعيه لا يطوفج
واميمه صح حبيته اكثر من زواره خميس

^^

نـ(المطيري)ـازكـ يقول...

امممممم ما اتابع الا زوارة خميس .. مع انة مو ذاك الزود وحيييييل مبالغين فية ..

عساج ع القوة ^_^

ام عبد الله يقول...

هلا عزيزتي اول شي ابدي اعجابي الشديد بمدونتج وحاطتها بالمفضله حييييييييييييييييييييييل استفيد منج
تهبلين الله يحفظج
انا شاركت لان بخصوص دار الايتام
حبيبتي اهم هناك نظام شقق
عرفتي يسمونها مثل العوايل فكل بيت صغير فيه جم غرفه وله مشرفات نفس المسلسل
عشان جذي حبيت اوضح بس
وبخصوص اللبس وهالسوالف حبيبتي لهم معاشات ماشيه ولهم حريه التصرف فيها
غير هدايا الناس الخيره
ولهم سفرات وطلعات ووناسه
مجهود
جبار الحقيقه الله يجزاهم خير ومااقول الا الله يرحمج بابا جابر عساه بميزان حسناته الاجر عداده يمشي له وهو بالقبر اللي رحم هالفئه وحتى الجنسيه الاولى لهم
وشكرا طولت عليج سوري