الأحد، 6 سبتمبر 2009

توست الدياي بالمشروم والكريمة

اليوم سويت اكله بسيطة ولذيذة
خذيتها من كتاب المطاحن اليديد
المكونات
صدر دياية
مشروم مقطع
بقدونس
كزبرة
مكعب ماجي خضار
فص ثوم مهروس
كوب بصل مقطع
جيس توست
كريمة سائلة (KDD الزرقة)
موزريلا
بارميزان
اوريغانو
زيت زيتون
جبن قلاص (كرافت)
الطريقة
نقطع الدياي الى مكعبات ونزهب البقدونس والكزبرة مغسلين ومقطعين وجاهزين
نسخن قفشتين زيت زيتون ونحمر فيهم البصل مع الثوم المهروس لما يتضج شوي بعدين نحط مكعب الماجي
والكزبرة والبقدونس والمشروم بعدين الدياي ليما يستوي
ويصير شكله جذي
نقطع اطراف التوست ونحطة في بايريكس
نحط خلطة الدياي وفوقها نصف التوست ونكرر هالسالفة على حسب عمق البايريكس
اخر طبقة توست تصير جذي
نخلط الكريمة مع قفشتين جبن قلاص (كرافت)
نصبه على التوست ونرش فوقة البرميزان والموزريلا والاوريغانو
وندخلة الفرن على حرارة 180 لمدة 10 دقايق او لما يتحمر الجبن
طبقنــــا وقت التقديم هذا شكله
والطعم لذيـــــــــــــــــــــــــذ

وعليكم بالف عافية :)

هناك 6 تعليقات:

شاي الضحى يقول...

بالعافيه وتسلم ايديج :)))

DoDoq8 يقول...

lm full

bs thanks

:)

RoOra يقول...

ome sawt-ha lena:D bs chnha shwai nashfa?

oO jrbai trmso alchoco ale belktab
latheth:D
ale feh flek oO bel3afya;*

SHAHAD يقول...

شكلها لذيذة وسهلة
راح اسويها ان شاء الله
بالعافية يارب : )

كوكو يقول...

اممممممممم شكلها لذيذ


من وين الكتاب لاني دورته بمكتبات ومركز سلطان ما حصلته ؟؟

غير معرف يقول...

Hey! I know this іs κinԁ of off topic but I was
wondering if you knew where I coulԁ find a сaptсha plugіn fοr
my comment foгm? I'm using the same blog platform as yours and I'm hаving problems
finding one? Thаnκs a lot!

Hеre is my blog post ... houston garden centers main office