شفت طريقة بسكوت حلوة مسويتها رفيجتي صافي وخذيت منها المقادير والطريقة ان شاء الله تعجبكم انتوا بعد :)
المقادير
1 وربع كوب سكر الذرة (Caster Suger)
2 كوب طحين منخول
1 ونص باكيت زبدة
ملعقة اكل فانيلا بودر
رشة ملح
1 بيضة
1 صفار بيضة
ورق الشمع
اول شي نذوب الزبدة ونخلطها مع السكر لمده 10 دقاي
نضيف البيضة وصفار البيضة ونكمل الخلط
والحين دور الفانيلا والملح
وبعدها نبتدي بالطحين نضيف قفشتين قفشتين ونعجن بالايد
ليما تتكون عندنا هالعجينة
نغلفها بالنايلون ونخليها ترتاح لمدة ساعة
انا قطعت اوراق الشمع وخذيت شوي من العجينة وفردتها عليها وقطعتها وشلت الزايد
بعدها نحط العووود ونحط فوقة عجينة شوي علشان يثبت وهذي النتيجة بعد التزيين :)
هناك 3 تعليقات:
الله شكلة يووووووونسسسسسسسسس
تسلم اييدج على الطريقة بجربها يم يم ^_____________^
الله يسلمج حبيبتي
جربيها وراوينه التطبيق :)
انشااااااااااااااالله ^_____^
إرسال تعليق