Happy Birthday NeYoo

عيد ميلاد اختي الزبوووطة اليوم والله وكبرنا وصار عمرنا 16

العمر كله ان شاء الله وكل عام وانتي بألف خير

Zahora Graduation Party

اليوم كان حفل تخرج حماة رفيجتي زهووورة الحلوة من الثانوية

وصافي صديقتي بدعت الصراحه في ال CupCake و ال Cookies :)

انتوا شرايكم ؟؟؟؟

مغاطي ماي ابراج !!!

قريت في بلوق fishah

ان اللي ايمع 1000 مغطه من مغاطي ماي ابراج يعطونه ويل جير يتبرع فيه حق مستشفى يعني يصير لك صدقة جارية

هل سمعتوا عن هالشي من قبل ؟؟ فيدوونا خل نيمع اذا صج هالحجي

هذا الموضوع في بلوق fishah

http://fishah-q8.blogspot.com/2009/05/blog-post_22.html

Chocolate Home Made

امس سويت Chocolate lollipop حق يمعتنا

ووايد عجبهم الحمدلله

انتوا شرايكم :)

Starbucks

امس مريت ستاربكس الدعية كان خاطري بكراميل مكياتوو

لما عطاني ال paper cup ولا مسكر فتحة الشرب بالمغطى بسدادة كيووت

وايد حبيت هالفكرة علشان يظل الكوفي ساخن فترة اطول شوي وهم علشان اذا مشينا وكان الكوب متروس مايتكتت

على فكرة اهي سدادة وعوود علشان نحوس الشكر يعني 2 في 1 :)

Salad Boutique

من زمان اسمع عن Salad Boutique

فقررت اني اطلب منه وكان اختياري ميني برجر مشروم سويس وبوتيتو بولز وسلطة الناتشوز

وصل الطلب في جيس فوووشي cute

الاكل مرتب داخل الجيس
ماعون سلطة الناتشوز كبيييير

هذي السلطة بعد ماحطيت الدريسنج توقعتها احلى بس لا بأس فيها

البوتيتو بولز عجيب

والميني برجر لذيذذذ بعد

بكرر التجربة ان شاء الله بنوع سلطة ثاني

سالاد بوتيك في الجابرية وتلفونهم 25355755

السايت : www.saladboutique.com

لعبـة الدلاَل

لعبة الدلاَل شبيهه بلعبة المونوبولي لكن اللي ابتكروها شباب كويتيين من ثانوية عبدالله عبداللطيف الرجيب

تحاكي واقع الكويت الاقتصادي بشكل جديد ومبتكر

كل التوفيق لهم واكيد لازم نشجع شباب الديرة فشريت وحدة وناطرة يمعتنا علشان نبدى اللعب :)

تحصلون اللعبة في سايت توصيل بسعر 6,499 دك

بريعصي في داري

امس اكتشفت انه في داري بريعصي

وصكت فيني الدنيا دورته وما لقيته
شلوووون انام بداري وفيها بريعصي وانا هالمخلووق ما اداااااااااااااانيه

حطيت اللزقة مالت الفيران وطلعت ورديت قلت يمكن لزق الله ياخذه بس ماكو فايدة

يتني النومة وانا ماعرف انام الا بداري :( قلت ماكو الا افوض امري لله وانام بعد شسوي

الله وكيلكم طول الليل بس اسمع صوت افززززز مع ان البريعصي ماله حس

وهم رحت الدوام ورديت وهم ماكوووو فايدة مالزق وماله حس

عاد قبل ساعه وانا قاعده اشوف التلفزيون شخط علي وراح يم الطوفة واصرخ من قمة راسي انادي ابوي واختي

هههههههههههه ابوي ياب طقاقة الذبان وحيييييييييييييييييييل طق فيه يروح يمين وراه يروح يسار وراه

وانا اصرخ واناطط من الوناسة واخيرااااااااااااا اليوم بنام مرتاحة ابوي البطل ذبح الشرير اللي اقتحم غرفتي بدون سابق انذار خخخخخخخ

ادري بلوع جبودكم هالمره بس لازم احط لكم صورة القتيل

وبما اني لوعت جبودكم بالصورة لازم اونسكم بشي ثاني

عن أبي هريرة قال قال رسول الله صلى الله عليه وسلم : من قتل وزغة في أول ضربة كتب له مائة حسنة ، وفي الثانية سبعين حسنة . رواه مسلم

الفوائد :

1. في الحديث الحث على قتل الوزغ .2. الأجر الكبير لمن قتل الوزغ حيث يكتب له إن قتله من أول ضربة : 100 حسنة ، وفي الضربة الثانية 70حسنة .3. السبب في أن قتله فيه أجر كبير : لأنه كان ينفخ النــار على إبراهيـــم ، ولأنه من المؤذيــات .4. لا فرق بين أن يقتله بعصا أو بحجر أو بيده .والله أعلـــــــــم

الله يكتب لأبوي الاجر يارب

نون مره ثانية

امس كانت يمعتنا عند خالتي وتفاجأنة لما دخلنا بالزينه والليتات الملونه والبلونات

وبعد يايبة Dj وسوالف

والاحلى طلع اكووو نون ثاني حق نصوووووري

يستاااااااااااهل والله بطلنا

حطوله كرسي وقعد بالنص حق النون

هذا النون وصل

خالتي فديتها غير الارباع والخردة اللي بالنون

يايبه سلة متروسة خردة وقطتها عليه بعد

لوووول شوفوا عفسة النون بالارض

جيسي :)

ماطلعلي فلوس وايد بس دينار ونص

طلع فيه هدايا وارقام بعد

هذا رقم بنت خالي

انا رقمي 22 وهذي هديتي

طلعووولي 4 فوط صغار :)

مستعدين للأكل يمي يمي

سبكيتي

بيتزا

تكا دياي

شاورما دياي

جيتني

هوت دوج

دياي وسمبوسة

متبل

ورق عنب

صفايح لحم

هذا مادري شنو بالضبط لوول

الحلوو

اعواد فاكهه

حلو البسكوت

جوكليت موس مع كيك

كيكة المفروض انها على كارز لوووول بس كانت على السريع جدا فطلعت جذي تفشل خخخخ

ماقصرتي خالتي استانسنا وايد الله يخليج لنا وان شاء الله دووووم ايامنا افرااح :*****

TAVOLA

سمعت عن محل TAVOLA من خلال احد المنتديات وعن طريق الفيس بوك

واتجهت له في الشويخ خلف سوق لندن

تفاجأت أن الاشياء الخاصة بشركة Wilton الامريكية المتخصصة بالكيك والحلويات اغلبها موجودة عندهم وماخذين وكالة ويلتون في الخليج

وايد حبيت المحل خصوصاً بأن الاسعار جدا مناسبة ووفروا علينا كلفة الشحن اذا كنا بنطلب عن طريق الانترنت

وحبيت اشكر المسئول عن المحل لتعامله الراقي

اليكم صور من المحل في الركن المخصص لتزيين الكيك والشوكولا

وهذي الجياس نتيجة جولة مدتها نص ساعه تقريبا في المحل

وعلى فكرة في عندهم دورات تعليم لتزيين الكيك للتفاصيل تلفونهم 24825761

وهذي صفحتهم على الفيس بوك http://www.facebook.com/pages/Shuwaikh-Kuwait/Tavola-Kuwait/44675861713?ref=mf