FAUCHON silicone moulds in Sultan center

لعاشقات المطبخ .. في مركز سلطان السالمية منتجات فوشون السيليكونية للطهي :)

بدلة سلوى

تذكرون بدلة سلوى المطيري ؟؟؟

امس بالليل رفيجتي كانت اتمشى في سوق الفحيحيل وطاحت عينها على هالبدلة
اووووووف بدلة سلوى المطيري اللي طلعت فيها بمقابلتها مع المحامي خالد العبدالجليل
قيمتها 21 دك وترى اللون الاحمر طاااار بعد مقابلة سلوى في الوان ثانية متوفرة اسود وابيض وبنفسجي وغيره

Thanx ShoSho ;)

Michael Jackson Dies

وفاة ملك البوب الامريكي مايكل جاكسون عن عمر يناهز ال 51 عاماً في لوس انجلوس

عجينة ال 10 دقائق

قبل جم يوم كنت ادور بالنت عن عجينة سهله واكتشفت عجينة سهلة اسمها عجينة ال 10 دقائق

بس لا تضحكووون على الاشكال اللي سويتها لوول ترى اول مره اسوي معجنات

المقادير

طحين المطاحن 1 كيلو

نص كوب زيت

1 فنجان قهوة سكر

1 ملعقة طعام خميرة فورية

2 كوب ماء دافىء

ملح شوي

اول شي ننخل الطحين
ناخذ كوبين من الطحين ونخلطهم مع الماي والخميرة والشكر والماي وذرة ملح شوي لمدة 10 دقايق ونركتها هم 10 دقايق
بعدها نضيف باقي الطحين والزيت ونعجنها
تصير جذي

بعدها نحشيها باللي نبيه ونشكلها بمزاجنا

انا حطيت جبن كيري وجبن شيدر ولبنه بزعتر

على فكرة انا خذيت جزء من العجينة وضفت لها لون طعام

ونحطها بفرن متوسط الحرارة تقريبا ربع ساعه عاد انتي جيكي عليها بين فترة وفتره

تطلع من الفرن شكلها جذي

وهذي حصيلة عجينة ال 10 دقايق

كيكة السور الكتكاتي

خذيت وصفة هالكيكة من منتدى كويتيات وايد عجبني شكلها وقلت اطبقها

المقادير

20 صبع كتكات

1 ارو

1 فليك

1 مالتيزرز

2 كيك سارالي او اي نوع ثاني

2 قيمر KDD

1 ظرف كريم كراميل

1 ظرف دريم ويب

6 حبات جبن كيري

وتحتاجين ماعون الجيز كيك المتحرك

نصف الكيت كات بهالطريقة يفضل انه يكون بالثلاجه

انا اللي حطيته شوي ذايب لأني حاطته بره :(

نحط نص الكيك بالماعون
نسيح الاروو في الميكرويف

نحطة على طبقة الكيك الاولى ونصف عليه باقي الكيك

نخلط الكيري والقيمر والكريم كراميل والدريم ويب

نحطهم فوق الكيك ونزين الكيكة بالفليك والمالتيزرز ونخليها بالثلاجه يوم كامل

لما نطلعها نزينها بشريطة وهذا الشكل النهائي

بالعافية ومشكورة اخت (سمسمية) من منتدى كويتيات على الوصفة الحلوة

تقليد M&M's

قبل جم يوم كنت احوس في محلات حلويات الجمله اللي في الشويخ
اكتشفت عندهم اشياء غريبة عجيبة
واكثر الاشياء اللي لفتت نظري كل ماقلتله عن نوع ككاو قالي يبي تقليد ولا اصلي
ماتتخيلووون كل شي في منه اصلي وتقليد ككاو كادبري وعلوج جكلتس وحلاو فيرو بوقلب حب وغيره وغيرة
بس اكثر شي شد انتباهي ال M&M's
هذا الاصلي

وهذا التقليد LUCKY&M

شرايكم لوول

Jaime Beattie Headband

مره وانا احوس بالنت لقيت سايت استرالي حق الاكسسوارات الهاند ميد

وعجبني عندهم Headband يشوق

على حظي البينك كان مخلص فأخترت اللون البرتقالي طلبته لأن يوصل سيييدة الكويت بس طول تقريبا فوق الشهر الى درجة اني نسيته

اليوم ابوي ياني الدار وبيده علبة تركواااز ولا يقولي انتي طالبة شي من استراليا !!!! قلتله اي اي وصل وناااسة

فتحت العلبة ولا كاتبين لي شكر بخط الايد اني شريت منهم ويتمنون ان عجبني الهيدباند

شرايكم كيووت صح ؟؟؟
اللي حبوا ال Head band هذا السايت
http://www.jaimebeattie.com.au/item.php?item_id=265&category_id=14
السعر تقريبا 11 وشوي دك

غبار

الغبار برا شي خيالي

كرات البسكوت الملونة

قبل جم يوم قريت طريقة حلوو عجبني (كرات البسكوت الملونه) في منتدى كويتيات وامس طبقت الطريقة :)

الطريقة

خلطة كور البسكوت

- 4 باكيتات كبار (بالنسبة لي استخدمت 12 حبة من اللي بالكرتون)

- 1 حليب محلى نستله

- 1 زبدة لورباك

- 2 ملعقة اكل ماي دافىء

الكريمه

- ا قيمر KDD

- 4 حبات جبن كيري

- 1 ونص كيس دريم ويب

- 3 الوان طعام (احس نوع اللي على صورة الحرمه المبرقعه الباقي اللي على فاكهه كلش موشي)

نطحن البسكوت بمطحانة القهوة
بعدين نخلط البسكوت المطحون مع الزبدة بعد مانسيحها وحليب نستله المحلى وقفشين الماي الدافىء

نخلط لما تتكون عندنا عجينة نقدر نشكلها (اذا صارت سائلة زيديها بسكوت مطحون لما تشوفينها صكت وتقدرين تشكلينها)

نخلط الحين مقادير الكريمة

الكيري والدريم ويب ونص حليب نستله المحلى والقيمر

بعدها نقسم الكريمه الى 3 صحون علشان نخلطهم بالالوان اللي عندنا

انا اخترت الاحمر اللي صار وردي والازرق والاخضر

نسوي من عجينة البسكوت كور بالحجم اللي نبيه

بعضهم حطيت فيهم لوز

نغمس كل كره بلون ونصفهم بالصينية او الطبق

بعد ما نخلص نزينهم بفليك

ونقز بكل كره عود اسنان ونحطها بالثلاجه علشان يبردون قبل التقديم

ان شاء الله عجبكم وبالعافية مقدماً

سيتي سنتر والسمك

اكتشفت شي يديد في سيتي سنتر السالمية

انه قسم بيع السمج بالدور الاول تقدرون تختارون منه السمج اللي تبونه ويقليه او يشويه جدامكم

شكله يشوق بس كان في طابور جدامي فقلت ايي يوم ثاني مبجر اجربة

الفرن والمقلة
السمج ومكتوب على كل شي سعره

Villa Moda 50%

بدا سيل فيلا مودا

ومشاء الله الناس من الصبح هناك

عجبوني تكرمون نعل جينا بس كان بخاطري شي غير

فيرغامو هم تشكيلة الفلات عنده حلوة

هالجنطة حليوة

زحمه زحمه زحمه والموجود مايسوى الصراحه

بس في شي يديد بهالتنزيلات فيلا مودا قام يوزع ماي باااارد حق الزباين لأن موووت حر لوول