الاثنين، 29 ديسمبر 2008

الفنانه مريم الصالح والحجـاب

الفنانه مريم الصالح ارتدت الحجاب
الله يثبتها يارب

هناك 11 تعليقًا:

حياتي هدف مو عبث يقول...

أمين :)

بس وين حاطين مقابلتها ؟

ZooZ "3grbgr" يقول...

يحليلها

حلو عليها بعد

:")

joe يقول...

عقبال حق ربعها الفنانين

TruTh يقول...

يحليلها الحمدلله ان الله هداها للحجاب

عاد اهيا انسانة زينة
انا اذكر مرة كنا رايحين مصر و اكو ولد فقير يبيع ورد قال لنا ان مريم الصالح تساعده دايما اهوا و اهله لأنهم فقارة

AuThoress يقول...

هذا قرارها الخاص جدا واتمنى انها ترتاح لذلك، اما موضوع التبريكات فلا أرى منه داع سوى التأكيد على "الضغط " باتجاه "آراء" الأغلبية المتسلطة.

الانسان "أخلاق" قبل أي شيء.

غير معرف يقول...

اى والله حلوة:)

غير معرف يقول...

المهم مو الشكل المهم الاخلاق
و اخلاق مريم ما شاء الله
ما خلت احد ما سبته او سفلت فيه او تهاوشت معاه
و قبل كم شهر واصله هوشتها مع حياة الفهد للمخافر
لسانها طويل و حتى ايدها طويله و عنيفه في التعامل

خل تحجب اخلاقها اول بعدين شعرها

Pink GirL يقول...

حياتي هدف
بالقناة الاولى الكويت

زوز
اي والله حلو عليها

المباركية
آمين

تروث
الله يثبتها يارب

AuThoress
الاخلاق مهمه وقبل كل شي لكن حلوو الواحد يطبق ايمانياته اللي بقلبة على شكله
احنا نهيء بعض على اشياء تافهه مالها داعي ليش مانبارك بلبس الحجاب ما اعتقد فيها شي هذي!!!
وان شاء الله هذي بداية زينه لها

غير معرف
احنا ماكناا شاهدين على اي هوشة او سب علني .. مانبي نغتاب المره
احنا ندعيلها بالهداية والثبات والتوفيق هذا اللي قصدته من البوست

bo_sale7 يقول...

انا اايد الاخت اوثوريس والغير معرف بسالفة التهنئة
لانه بالنهاية شي شخصي مو شي اجتماعي والظاهر انه بالمجتمعات الاسلامية المظاهر الدينية اهم من الدين
وفعلا لو القرار هذا في بداية حياتها كان ممكن يكون له صدى بس دايما الفنانين لما يطيح سوقهم يقومون يتحجبون او يتدينون علشان يكملون المشوار من صوب ثاني ...عاد مسلسلات دينية ولا برامج دعوية المهم ما يقعدون بطالية بعد ما تروح زهوة وجوههم الفنية :)
تحياتي

غير معرف يقول...

يا جماعة بلا هالسوالف البطالية اللي ما لها معنى .. وانتوا شعرفكم باللي بقلبها .. وشنو يعني لسانها طويل؟ قد مرة شفتوها أو سمعتوها على أرض الواقع؟ انتوا ومن خلال تعليقاتكم والله السانكم أطول منها (مثل ما وصفتوه) وبعدين الله سبحانه وتعالى يقول: (( إنك لا تهدي من أحببت ولكن الله يهدي من يشاء)) وشعرفكم إن سوقها طاح؟ اذا مب عاجبتكم لا تتابعونها؟! بس بعد لا تغلطون على أي إنسان كان بعذر إنه ممثل او له مهنة ادخلته عالم الشهرة.. المهم ان الانسان يعتبر من الدنيا ويتعظ منها ويغير من نفسه للأفضل..ومب مهم الوقت اللي أدرك فيه هالشي.. المهم انه يتوب توبة نصوح واللي فات مات.. والله سبحانهوتعالى يقول (( أولائك يبدل الله سيئاتهم حسنات)) وبعد يقول: (( ولا تقنطوا من رحمة الله .. إن الله يغفر الذنوب جميعا.. إنه هو الغفور الرحيم)) صدق الله العظيم..

أتمنى يا اخواني..إن الإنسان قبل لا يحاسب غيره.. يجي ويحاسب نفسه محد راح ينفع أحد.. وكل بيتحاسب بقبره وباللي سواه..

تحياتي

غير معرف يقول...

bape
off white
goyard bags
kd 12
supreme hoodie
golden goose sneakers
Jordan Travis Scott
off white outlet
off white outlet
yeezy gap hoodie