يوم الاثنين العصر بنك الخليج دزولي مسج علشان استلم بطاقة السحب الآلي اليديدة (البطاقة الذكية)فيوم الثلاثاء الصبح على ال 10 رحت لهم ولا الناس طوابير وال Customer Service فاضي مافيه احد
تقريبا وقفت ثلث ساعه على ما لقيت لي موظفة عطتني ويهه
تخيلوا انصدمت لما عطيتها كرتي القديم قالتلي تفضلي استريحي يبيلنا ساعه على ما نلقى كرتج !!!! ســـاعه ليش !!!
تنسيق زفت الكروت حاطينهم بصوب وبدون فرز للاحرف واظرف الارقام السرية نفس الشي
يعني تنطر ساعه لما يلقون كرتك وساعه ثانية على ما يدورون الظرف
وانزرع ساعتين الا ربع على ما بشرتني الموظفة وقالتلي لقينااااااه
مادري شالله حادني وليلحين حسابي عندهم .. بسكر الفيزااا وبنحاش
بإختصار
بنك الخليج ولا ابييييييييييزة
هناك 3 تعليقات:
روحي بيت التمويل احسنلك
بلا بنك الخليج بلا عوار راس
انا كان عندي حساب معاهم وهربت من عندهم من سنين بسبب سوءالمعاملة
على الاقل بيت التمويل اسلامي وبنفس الوقت خدمتهم صايرة vip لجميع زباينهم في الفترة الاخيرة
تحياتي
al jamal best one
بنك الخليج يشبه بنك الراجحي عندنا
وعووووووووه
متخلفين وبينهم وبين التطور الف سنة ضؤية خخخخخخخخخخخخخخ
إرسال تعليق