السبت، 7 يونيو 2008

ASUS Eee PC

قبل فترة قريت عن لاب توب اسوس وعجبني ونزلوه يوريكا ورحت شفته لكن المواصفات حسيتها كلش مو شي فألغيت الفكره من بالي
لكن وانا احووس بالمواقع والبلوقات كل من يمدحه وشاريه وبعد ما اتصلت على احد محلات الكمبيوتر وطمني انه تحويله اكس بي سهل وياخذ يوم واحد فقط والبلوتوث وصلة يو اس بي وينتهي الموضوع
تشجعت وقلت اليوم اروح اشتريه
بعد ماوصلت يوريكا وسألتهم اكتشفت ان الكمية اللي يابتها يوريكا طاااااااارت بالكامل (مشاء الله كويتيين مايخلون شي)
عاد قلت ماكوو الا شارع بن خلدون ادور فيه
فأكتشفت محل BEST BUY
وحصلت عنده الاب توب ومن حظي انه فيه انواع منزلين فيهم ويندوز اكس بي الاصلي يعني ما يحتاج انطر بعد يوم علشان استلمة فخذيت اللون الابيض 4 قيقا ومعاه في الكرتون الجنطة والشاحن والبطارية طبعا
وبما ان عندي بالبيت وصلة بلوتوث .. ركبته بس ماصارله تعريف تلقائي لازم التعريف بالسيدي والجهاز مافيه سيدي درايف فأضظريت انقل السوفت وير الى هارد ديسك خارجي والحمدلله تثبت وشبكت :)
وهذي صفحتي في ال ASUS Eee PC قيمة الجهاز .. 149 دك
بيست باي
حولي .. شارع بن خلدون
تلفون 2643865

هناك 10 تعليقات:

بو حامد يقول...

نهائيا مو مقتنع بهذا الجهاز ،،

احسه ما يسوي ولا شي

زينه ويمكن حق الي يحتاجون النت وايد يحتاجونه لأن صغير ويكون معاهم بكل مكان ،،

غير معرف يقول...

Could you give more details about the laptop? Size, weight? Pour and cons?

Mr_CHoCoLaTe يقول...

اهو الجهاز حلو حق اللي يحتاجون النت وياهم كل مكان

و خفيف و روعه

و هذي انواعه و مواصفاته

http://eeepc.asus.com/global/product.htm

سعره غالي اللي خذيتيه لان بالنت أرخص

و بست باي اللي بالكويت ترى تقليد مو نفس اللي بره بايقين الاسم

سؤال: هل يكتب عربي اللي عندج ؟

و عليج بالعافيه خيتوو انا مفكر بواحد بعد

Pink GirL يقول...

بوحامد
انا خذيته لأن صغير مثل ماقلت وحق السفر ومني مناك زين مو ثقيل ينحط بالجنطة :)

blue ice envy
mr.chocolate wrote alink with all details

mr chocolate
شكرا على اللنك
اكيد سعره بالنت وايد ارخص
بس انا خذيته مع ويندوز اكس بي الاصلي علشان جذي طلع غالي علي
وترى يكتب عربي والكيبورد فيها الاحرف العربية بعد
خوش جهاز بس يعور العيون ماتعودت على شاشة صغيرة

Om MoD يقول...

عليج بالعافية أول شي والمهم إنه عاجبج وحابته..حلو الواحد ياخذ شي ود فيه ..بس مثل ما قلتي الشاشة الصغيرة متعبة لعين إذا تقعدين على الكمبيوتر مده طويله ..بس على خبري إنه في شي مطلعينه تلبسينه وكبر حجم الشاشة جنج تشوفين تلفزيون ..دوري عليه يمكن يفيدج :)

غير معرف يقول...

عليج بالعافيه بنوكه :)

Q8-MaNaL يقول...

ماشالله شكله كيوت
بس ان شالله يكون استخدامه حلو مثل شكله
انا متعودة على توشيبا اخاف آخذ اي جهاز ثاني لأن يقولون وايد أجهزة تصير حارة بس توشيبا مافيه هالمشكلة

بس عالعموم عليج بالعافية حبوبة و اسم بلوقج منور بالشاشة بالصورة
:)

Pink GirL يقول...

ام مود
وناسة .. بسأل محلات الكمبيوتر يمكن الاقي :)
مشكورة

زوزو
الله يعافيج حبي

منال
الله يعافيج حبيبتي
استخدامه حلو والله بس مو مال فترة طويلة مثل ماقلتي يحتر
اهو حق مني مناك سفرة ولا طلعه تاخذينه معاج ولا جامعه غير عن التوشيباوغيرها طبعا

بـــــــــدر يقول...

الجهاز روعه ماعليك افضل جهاز
ومن شركه ممتازه

فيه انواع كثيتقريبا خمس انواع
وعليه طلب كبير جدا في اوروبا وامريكا حتى تقريبا وقف التصدير الا لاوربا فقط وامريكا عشان يلحقون على الطلبات والناس هنا صارت تجيب منهم

بالعافيه عليك
اخوك

بدر - السعوديه

غير معرف يقول...

انا انصح اب
eeepc 900
شاشته اكبر تسعه انش 12 قيق هاردسك
1 قيق رام
والتج باد ماله ملتي تج يعني مثل الأيفون يسوي زوم بصبعين وجذي ووايد حلو وعملي انا حالياً امتكل واحد طلبته من امريكا بس في منه بالكويت عند بست باي ويوريكا ومبروك بنكيه