سمعت الكثير عن الكتروزان في الري بجانب الاند مارك تقريبا
قالوااا رخيص وبضاعته جيدة وكل شي متوفر
امس مريت اشوف الكتروزان ولقيت اشياء حلوة كثيرة بس صراحه الكلام اعطاه اكثر من حجمة
يعني المحل اصغر مما توقعت والاسعار مو رخيصة جدا تعتبر معقولة
اللي طلعت فيه كان كارد SD لكاميرتي 2GB وبقيمة 3,750 دك فقط !!!!
السعر وايد رخيص فقلت باخذة اجربة واذا اوكي باخذ جم واحد لأن ما لقيت اكثر من 2GB
وعلى فكره صنع الصين .. وحصلت واحد ثاني بنفس القيمة صنع تايوان بس فضلت الصيني
وان شاء الله بعد الاستعمال اوافيكم بالاخبار
هناك تعليق واحد:
الله يعطيج العافيه اختي
انا كنت ابحث عن ارقام هواتف الشركة
مع اني توني راد من عندهم كنت ادور على
شغله معينه لقيتها بس كنت بدق عليهم بستفسر عن
مقاسات معينه و للاسف تليفوناتهم غلط
الرقم الموجود على الجيس هو 825252
مع اني جربته و جربت اضيف له رقم 1 قبله
لكن للاسف كله يعطيني الرقم غلط !!!!!
المفترض يحطون ارقام ثانيه غير رقم البدالة
عموما انا القيت نظره على المعرض الجديد
و شفته انه معقول و فعليا ً اسعاره ارخص حتى من الوكيل
و لما سألت عن سبب فرق السعر قال لي احد البياعين انهم
موزعين و في اتفاقيه بينهم و بين الشركات الثانيه
على انهم ياخذون منهم بضائع بأسعار ربحيه معقوله (جملة)
و يقومون هم في بيعها و اعتقد انهم ياخذون من الوكيل على
نسبه معينه من المبيعات و توزيع البضائع التابعه لكل وكيل
اما بقيه الامور يعود سبب رخص اسعارها بأنها بضاعة صينية
و من المعروف انه البضائع الصينيه ارخص من حيث القيمة
الماليه و لكن ليست بنفس جودة البضائع الاصلية مثل اليابانيه
او غيرها ( لكل سلعه بلد منشأها الاصلي )
شغله حلوه الواحد يشتري رخيص حتى يوفر و لكن يجب الحرص
على انه يعرف شنو يشتري و مو كل رخيص زين ولا كل غالي
زين !!!
السلع الصينيه نقدر نشتريها بالامور العاديه و نحاول نبعد عنها
بالامور الحساسه ( الالكترونيه ) الا اذا كان السعر رخيص
ما نندم عليه حتى لو صار شي بالسلعه
يعني انا بالنسبه للميموري كارد احاول اخذ اصلي
لاني بصراحه جربت التقليد اوكي مشى معاي و لكن
( ينجل) يقطني على صخر و فجأه تختفي الصور !!!!!
لهذا احاول لما اصور و انا حاط ميموري غير اصلي
على طول انقل الصور للاب توب حتى اضمن لو يصير اي
شي للميموري الا اني حفظت الصور لانه الصور بالذات ما تتعوض
خصوصا اذا لرحلات سفر او لحظات تذكاريه : )
الف شكر اختي على الموقع الجميل و اسمحيلي على الاطالة
سلاااااام
إرسال تعليق