ذكـرى 1990 الأليــمة

وصلني اليوم بوكس مسكر من مرت خالي
فتحته وانا متشوقة ابي اعرف شنو فيه @@ خبركم ترى الهدية تَونس خخخخخ على قولتهم انا غنية واحب الهدية

بس لما فتحته تنــحت مادري شطاري عليها مطلعه هالذكريات المره الله لا يعيدها ومتنقصة لي هالنقصة النادرة يمكن لأن تدري احب احتفظ بذكرياتي حتى لو كانت تعور قلبي

باجات عليها صورة الغالي بابا جابر ربي يرحمه ويسكنه فسيح جناته و FREE KUWAIT و KUWAIT WILL BE FREE يعلها دوم فري يارب

الحمدلله عدنا والعــود أحمد

ستيكرات على صور الشهيد فهد الاحمد الله يرحمه
هتلر العراق الله لا يرده

كل هالاشياء توزعت في لندن اثناء الغزو العراقي على حبيبتي الكويت سنة 1990 الله لا يعودها ان شاء الله ويتمم علينا نعمة الامن والامان والخير يارب ويرد كيد كل من يبينا بشر بنحره

Chanel tatto's in Nail It

اليوم مريت Nail It لأن قالولي انهم يحطون ال Chanel Tatto اللي تختارينه من الباكيج الكامل وبأسعار معقولة

المكان حلووو وراقي والمعاملة وايد حلوة

الخيارات وايد وكلهم حلوين

اخترت هذا

وجهزوا القطن والماي للتثبيت

النتيجه :)

Nail It في بلازا حولي - الميزانين 22658869

FB Link

فيـــا شــوز = تقليد Gina

كان عندي شغل بمجمع البستان ولفت نظري محل جواتي مكرم السامع يديد والفترينه تبرق

قلت خل ادخل اخذ فكرة

لما دخلت بققت عيوني ولا النعل تقليد Gina

بس السعر صراحه وايد اقط زيادة واخذ اصلي احسن

وهذي نعل Gina للي مايعرفها

AERO caramel

ككاو يديد من آرو على كاراميل

لذيذ بس اثقل من العادي

زبدة شفايف للرضع !

وانا اتسوق بالجمعيه لفت نظري هالمنتج ! شي غريب اول مره اشوفه زبدة لشفايف البيبي

السعر = 1,100 دك

PotteryBarn Kids

حبيت محل Potterybarn kids

اغراض اليهال والاثاث حده يشوق

لفت نظري ان اشياء وايد تقدرون تطلبون ان ينكتب عليها اسم الياهل مثل (الكفرات - جياس المخده - الكراسي - الجناط - الفوط)

بالنسبة لي وايد حبيت الفوط اشكالهم والوانهم تهبل

واذا تبون تحطون الاسم الطلبية تاخذ من 7 الى 10 ايام

شوفوا شلون يتطرز نفس اسم Shaikha على هالفوطة :)
الاسعار على حسب حجم الفوطة عندهم اعتقد 3 احجام والاسم يسوونه بدينارين اذا كان 10 احرف او اقل وكل مازادت الحروف زادت الفلوس طبعا
Potterybarn kids في الافنيوز مقابل زارا هوم

Crocs ..maLL 360 in July

Soon Soon Soon in 360 mall :)

Snickers وكأس العالم

هوَس كأس العالم في كل مكان في السوق في الجمعية كل شي على كوَر على لاعبين على لوقو جنوب افريقيا

وانا اتسوق بمركز سلطان شفت عرض سنيكرز بمناسبة كأس العالم عبارة عن بوكس على كرة وداخلة 12 ميني سنيكرز عجبني يونَس

واكوو منه 3 الوان (احمر - ازرق - اسود)

Ansam’s Icy Yogurt ,, napket

من كثر البوستات اللي نزلتها مدونة انسام عن ال ice yogurt في napket

وانا قررت اذوقة لكن كل ما امر الافنيوز اغير رايي واروح Pinkberry لكن بعد ما اطلقوا اسم انسام على احد خلطات ال yogurt

قلت لا يبيله نجربة

امس كان عندي جم شغله باخذهم من الافنيوز وقلت امر اخذه take away

بصراحه وااااااايد لذيذ بس لوو قاعده هناك ابرك

لأن لما فتحته كان شوي ذايب وتارسينه لي فوق فدمرني تدمر

بس مع حرارة الجووو يبيله أنسام يوقرت يسرســــــــــــــــــح

napket in Avenues mall Phase II

Ibrah Skin Bracelets

من اول ماشفت ال chanel skin totts حبيتهم ووصيت رفيجتي تييب لي اياهم ان شاء الله من لندن

وقبل جم يوم كنت اتصفح Me Blogging وكانت كاتبه عن Ibrah Skin Bracelets

رحت مول 360 ل Melange Boutique

خذيت النوعين :)

سعر الواحد دينار ونص

واول مارديت جربته على اختي :)

متوفرين في :

Fortune Cookie Boutique

Me Time Nail Spa

Melange Boutique

ككاو أول !!

تذكرون ايام اوووووووووووووول بالسبعينات او الثيمانينات كان اللي بيروح المستشفى يشتري ككاو مغلف من الجمعية او علبه ماكنتوش !!

الماكنتوش مازال محافظ على رونقة في ارفف الجمعية لكن الككاو المغلف بجلاد جنه هدية انقرض من زماااااااااااااااااااااااااااااان

اليوم قبل لا ادخل المستشفى لعمتي مريت انا ورفيجتي الجمعية اللي يم المستشفى نشتري ماي بارد ولا انصدم بالككاو موجود بالارفف جدامي واقعد انا ورفيجتي نضحك ونقولب فيه امبي شخباري من وين طالع هههههه

اقولها اخاف اخذ حق عمتي تضحك علي تقولي اشفيج داثرة كككككككككك الناس باتشي وفيفل وقناش وقودايفا وانتي يايبتلي ككاو داثر ههههههه

السعر صراحة الله يديم الرخص دينارين ونص

طلع الككاو من الصيداوي

اللي خاطرة بالككاو تلقونه بالجمعية اللي يم مستشفى الرازي

Dean & Deluca Breakfast

من زمان خاطري اتريق في Dean & eluca واخيرا يات الفرصة وجربته :)

مكانه في الافنيوز مقابل Pinkberry

المنيوو

العصيـــر حده منعش وفريش

اخترنا الفطور الشرقي (فول - فلافل - لبنه - جبن - زيتون - طرشي)

بيض اومليت (جبن - مشروم)

منقوشة زعتر

وحلينا بالطبق المشهور عندهم الوافلز يم يم خيالي

اول مره اجربة وكل شي لذيـــــــــــذ الحمدلله وان شاء الله برد اجرب شي ثاني :)

Color Me Mine !

بعد ما تطمنا على عمتي ولله الحمد خذيت ولد اختي لأني مواعدته بطلعه وقلت بجرب اروح ديسكفري مول خصيصا حق كافيه كلر مي ماين

مكانه بالدور الاول بجانب كيك اند بيك

المكان من داخل

تختارون اي شكل تبونه من الفخار وبأسعار مختلفة

عجبتني هالرسمه على السنافر :)

ولد اختي طبعا اختار السيارة وانا خذيت ماعون على رجل الثلج

سعر الفخار غير عن سعر الالوان

وهذي الفرش

حاطين كل لون وشلون يصير بعد مايخلص

وبدينا التلوين

طلبت لي كابتشينو

رسمتي لما خلصتها :)

وهذي سيارة نصوري وبعد اسبوع نستلمهم ونشوف الشكل النهائي :)

المغسله ضرورية بعد الخبصة اللي سويناها لوول

حبيت اوجه شكر للفلبينية اللي تشتغل هناك يحليلها والمدير بعد بس لازم بالانجليزي لأنها خذت مني اللنك علشان تدخل :)

Thanx aLot mr. Monching & Mrs. Isabel

we had agreat time in the cafe :)

عندهم 3 فرووع :

ديسكفري مول 97702170

مارينا كريسنت 22244604

الافنيوز 22597751

سايتهم Color Me Mine