الثلاثاء، 13 أبريل 2010

STONEGRILL

رفيجاتي عزموني على مطعم STONEGRILL بمناسبة عيد ميلادي
المكان هادي وراقي بس شوي صغير

اول ماتقعدون ياخذون جناطكم ويعلقونهم بعلاق خاص للجناط

طلبنا طبق مقبلات عبارة عن مشروم بالسبانخ لذيذذذ

واخترنا نوع اللحم والدياي و البطاط وبعدها يابولنا الصخره الحارة وفوقها شوي ملح وطلبنا سوس مشروم وخضار
وعلى فكرة يلبسونكم صدرية نفس البيبيات لووول
انا طلبت صدور دياي وهذي الدياية فوق الصخر
استوت وجاهزة للاكل
وهذي المفاجأة رفيجاتي طالبين فوندوو وقايلين للمطعم انه عيدميلادي وغنولي :)
المطعم يستحق التجربة لأنه صج عجيييييييييب
شكرا صافي وفطومة كان خوووش عشااااا :******
المطعم بمجمع امنية سنتر بالسالمية
ت : 25720848

هناك 11 تعليقًا:

Manal يقول...

Happy Birthday
Dear

:)

very nice pictures and the place looks nice too

أبوفلان يقول...

عليكم بالعافيه

وين مكانه بالضبط أمنية مول :-)

واشلون أكله حلو ؟؟

um-awlady يقول...

عليكم بالف عافيه:)

غير معرف يقول...

بالعافيه :)

يبيله نجرب هالمطعم كان واصلني بالإيميل من زمان بس إلحين تشوقت أكثر أروحله

غير معرف يقول...

Happy birthday :)
shaklah 3ajeeb :)

cheese cake يقول...

يمي يمي شكله يشووووق

حطيته ضمن برنامجي الياي ولي تجربه له ان شاءالله

عليكم بالف عاااافيه

جاردينيا 2000 يقول...

العمر كله

Pink GirL يقول...

Manal
Thanx 7bebty :*

ابو فلان
الله يعافيك اخوي
مكانه ياطويل العمر مقابل ليلى جالاري تقريبا بنفس فندق ايبس
والاكل روعه :)

ام اولادي
الله يعافيج حبوبة

لوير
الله يعافيج حبيبتي
جربيه وايد حلووو

Hopeless sight
Thanx ,, e walla great

cheese cake
الله يعافيج حبيبتي
وان شاء الله التجربة بتكون ناجحه ;)

جاردينيا
تسلمين ياقلبي :*

شاي الضحى يقول...

عليكم بالعافيه

انا لو اروح المطعم ارجع ما احب اشوف اللحم او الدياي ني :(

I AM PRINCESS يقول...

كل عام و انتي بخير قلبو
المطعم شكلة حلة بس وين هالمجمع بالضبط شنو يمه

Pink GirL يقول...

شاي الضحى
الله يعافيج
لا بالعكس والله الدياي واللحم نظيف مايلوع الجبد

برنسس
وانتي بخير تسلمين
المجمع بنفس البناية اللي فيها فندق ايبس يم مركز سلطان