قرقيعان وقرقيعان

المفروض اكتب البوست وقت القرقيعان بس انشغلت شوي

طبعا القرقيعان عادة تراثية حلوة يحتفل فيها اليهال (الاطفال) ليلة 13, 14 و15 من شهر رمضان

وهم يفترون ويطقون البيبان يسألون عن القرقيعان (حلوى ومكسرات) وينشدون الانشودة الشهيرة

قرقيعان وقرقيعان بين قصير ورميضان

عادت عليكم صيام كل سنه وكل عام

يالله تخلي ........... يالله تخلها لامها

عسى البقعه ماتخمها ولا توازي على امها

وتختلف مسميات القرقيعان في دول الخليج .. قطر يسمونه قرنقعوه والبحرين قرقاعون والقرنقشوه في عمان :)

مع تطور الايام بدا حتى القرقيعان يتطور وبدوا الكبار يهتمون فيه ويتفننون فيه اكثر من الصغار :)

هالسنه وصلني اكثر من قرقيعان

هذا قرقيعان هيونه الحلوة .. راقي وفكرته حلوة مثلها

مكسرات

جاي احمر

شوكليت Läderach
زعفران

سكر على قفشة

وجوكليت وبسكوت على قفشة

قوري

قرقيعان بروكي .. علبة راقية وعليها صورة مبارك الزوغه :)
وهذا قرقيعان فطامي المزيونه .. نـــــازك وحلو

قرقيعان مريومة الجميلة .. قوري مزركش شحليله

واخيرا قرقيعان جنى وغلا .. الككاو من جنيف والجيس مقسم وفكرته يديدة :)

عساكم تعودووونه يارب وعساها عادة ماتنقطع يارب وربي يخليلكم عيالكم ويفرحكم فيهم :*****

My Mold .. Mini you

تذكرون البوست اللي كتبته عن ال mini you

اول امس وصلني بوكس من فيدكس

مغلفين ال mold عدل علشان ماينكسر
شرايكم فيني ههههههههههههه
ترى كلش ماتشبهني تحسفت على ال 54 دينار اللي قطيتهم عليها
بس تبون الصج ادري مالي شبيه رب الكون سبحانه خلق Pink وحده مايقدرون يسوون مثلي حتى تمثال ;)

CASA SPA

من فترة كنت سامعه عن Casa Spa وان عندهم خدمة منازل

اتفقت مع صديقتي ان نييبهم ونجرب شغلهم

دقينا عليهم وخذينا موعد ومشاء الله عليهم اوصلونه بالتايم

ومعاهم جناط واغراض وايد

الصراحه الخدمة واو وتسوى

حطوا طاولة وشموووع وحركات

وقبل لا يبدون الشغل عطونا هدية عبارة عن تمر بمناسبة شهر رمضان المبارك وكانوا يايبين معاهم مطارتين شاي اخضر وشاي ياسمين
الصراحه دلعووونا وحسينا انه احنا فريـــش عقب الباديكير والمانيكير :)

التريتمنت العادي = 12 دك
وكل عندهم اكثر من نوع بأسعار مختلفه
وعندهم بعد باديكير ومانيكير حق اليهال ب 4 دك ويلبسونهم تيجان البرينسس ويدلعونهم :)

تلفونهم : 66889233
FB Link
Site Link

Mini You .. Dubai

شي يديد وغريب شفته في مجمع سيتي سنتر في دبي

تمثال فخار مادري طين Mini على اي صورة تختارونها انتي امج ابوج رفيجتج !!

تختارين لها لون العين والشعر والجسم واللبس وتصير طبق الاصل انتي :)

شوفوا كل صورة ويمها التمثال

الجسم وطريقة الشعر تختارونه من الكاتلوج

سألتها عن طريقة التوصيل اذا يدزون الكويت وقالت لي اي نقدر نشحنه عن طريق ال DHL

وقلت يالله فوقة سويلي اوردر :)

عطيتهم صورتي وبعد 10 ايام دزولي صورة ال Mold قبل التلوين على ايميلي وسألوني اذا بغير شي او لا

وقلتلهم يغيرون جم شغله وبعد يومين ردوا دزوا صورة وسويت اكسبت

وناطرتهم يدزولي ال mold ملون وبعدها اسوي اكسبت ويشحنونه لي :)

السعر = 575 درهم

اللي بيروح دبي يحصله بالسرداب صوب محل بينك بانثر

Color Me Mine !

بعد ما تطمنا على عمتي ولله الحمد خذيت ولد اختي لأني مواعدته بطلعه وقلت بجرب اروح ديسكفري مول خصيصا حق كافيه كلر مي ماين

مكانه بالدور الاول بجانب كيك اند بيك

المكان من داخل

تختارون اي شكل تبونه من الفخار وبأسعار مختلفة

عجبتني هالرسمه على السنافر :)

ولد اختي طبعا اختار السيارة وانا خذيت ماعون على رجل الثلج

سعر الفخار غير عن سعر الالوان

وهذي الفرش

حاطين كل لون وشلون يصير بعد مايخلص

وبدينا التلوين

طلبت لي كابتشينو

رسمتي لما خلصتها :)

وهذي سيارة نصوري وبعد اسبوع نستلمهم ونشوف الشكل النهائي :)

المغسله ضرورية بعد الخبصة اللي سويناها لوول

حبيت اوجه شكر للفلبينية اللي تشتغل هناك يحليلها والمدير بعد بس لازم بالانجليزي لأنها خذت مني اللنك علشان تدخل :)

Thanx aLot mr. Monching & Mrs. Isabel

we had agreat time in the cafe :)

عندهم 3 فرووع :

ديسكفري مول 97702170

مارينا كريسنت 22244604

الافنيوز 22597751

سايتهم Color Me Mine

I LOVE SOUK

سمعت من فترة عن محل او بوتيك اسمه I LOVE SOUK

لكن ماكنت عارفة العنوان ولا شنو فيه

بحثت في النت وسألت ربع ال BBM :P

وعرفت انه مكانه في نادي الكورنيش على البحر يم اثلاتيك فوت

وعزمت اني اروح له مع رفيجتي

هذا المدخل من برة

عطور عربية
حبيت هالعطور على ام عليوي ومسرحياتهافي المحل

T-shirt's على حكم وامثال واغاني كويتية قديمة

جنا

تيجان

ميداليات للجناط

اساور على كلمات اغاني قديمة

تلبيس للعلوووج والبطاقات البنكية

موناليزا فالصو لووول

I LOVE SOUK chocolate

عطونا هالجوكليت هدية :)

وايد حبيتها وشريتها :)

اهداء كتاب الشيخة افراح الصباح

مكان يونس كله فناتق يستحق العنوة :)