السبت، 29 نوفمبر 2008

Villa Moda 50%

امس وصلني مسج من فيلا مودا ان فيه Sale 50%
وبما ان عمتي موصيتني اني اقولها اذا صار تنزيلات فقلت لها ورحنا مع بعض
وعلى فكره اللي بيروح لازم يكون مطلع على سياسة البيع بال Sale
دخلت برادا وعجبتني هالجنطة الكلاتش بس اختي الله يهديها طيحتها من عيني :(
وهذا قوتشي الفنار بعد



عميمه عجبتها هالجنطة وخذتها
عليج بالعافية عميمه :) ومشكورة على الغدا

الصراحة احلى شي بSale فيلا مودا ان نشوف ناس ماشفناهم من سنين :)

الاثنين، 24 نوفمبر 2008

معرض الكتاب ال 33

واخيرا رحنا معرض الكتاب ال 33
كانت الزحمة كبيرة جدا خصوصا ان المعرض السوري كان فاتح بعد
بما اني من عشاق الروايات والقصص
كانت هذي حصيلتي هالسنه من المعرض
وماقصروا جناح دايموند للنشر عطونا هالجورية :)
وكان لابد من استراحة محارب مع هالذرة اللذيذة :)
المعرض هالسنه مرتب وفيه اشياء حلوة
انصحكم تزورونه :)

الجمعة، 21 نوفمبر 2008

Coffee Republic 2

امس بالليل قررنا نجرب كافيه ريبوبليك في المنطقة الحرة
كان الوضع هادي والموجودين اغلبهم فئة طلبة الجامعه
المكان وايد حلو والقعده الخارجية وايد حلوة بهالوقت وبهالجو
عجبوني هالقواري
طلبت فليك كادبري شيك <-- وايد حااالي ماعجبني ومافيه طعم فليك اصلا
انجلش كيك <-- لذيذة
بنت خالتي طلبت كابتشينوو وجيز جيك فراولة تقول وايد حلوة
طبعا لازم نجرب شي بالتيك اوي لوول خذينا ككاو ومينت
تجربة حلوة وقررنا نعيدها مره ثانية المكان والاكل يسوى :)

BLUE LOUNGE

احد عنده فكره شنو ال BLUE LOUNGE ???

الغدا في بيت رفيجتي

امس كنت معزومة في بيت رفيجتي على الغدا
بديناها بالسلطة
ولازم مجبوس الدياي الزين
مرق بامية
دياي مشوي
عرايس
ولازم الماي والعصير والبيبسي والميرندا
وبعد الغدااا لازم ينطرنا الجاي
وحلينا بهالسويت من صافي
اكرمج الله ومشكورة يا شوشو :)

الأربعاء، 19 نوفمبر 2008

COFFEE REPUBLIC


اليوم دريت انه Coffee Republic عندهم Home Delivery
تقدرون تطلبون منه عن التلفون وال menu موجودة على الويب سايت الخاص فيهم

http://coffe-republic.weebly.com/


وايد عجبني المنيوو خصوصا الشيــك ودي اطلب فليك شيك :)

طلبوا من الفرع الاقرب لكم
برج يونيفيرسال - شرق 22497230
المنطقة التجارية الحره - الشويخ 24610309
ميناء عبدالله 23262016

Toffee Nut Latte in StarBucks Coffee

كل سنه شهر 11 انطر متى ينزل مشروبي المفضل بستاربكس Toffee Nut Latte
اذا انتوا من عشاق ستاربكس كوفي لازم تجربوووونه
بس لاتدعون علي لما ينقطع بشهر 1 وتضطرون تنطرونه السنه الياية شهر 11 :)
عجيييب هالتوفي نت لاتيه :)

السبت، 15 نوفمبر 2008

معرض المهفــة

واحنا نتمشى بالمباركية بسرداب الشايع
لقيت محل وايد حلووو
اسمه المهفة
وقلت لازم اقول حق البنوتات اللي متابعين بلوقي

يبيع ستاندات حلوة لترتيب الاكسسوارات وبوكسات للهدايا وغيرها








اتمنى عجبكم المحل يا بنوتات :)

مطعم القائم

في المباركية مطعم صغير بس اكله لذيذ
يبيع خبز رقاق ويسويه جدامكم على التاوة وتاكلونه حااار
هني استأذنته اني اصوره وهو يسوي طلبي
القائمة وفيها كل الاسعار
ويبيع بعد خبز رقاق ساده
طلبنا خبز رقاق بجبن كرافت عجييييب :)

هالايام البوستات اغلبها عن الاكل الظاهر صج بدا الشتا لوول

الجمعة، 14 نوفمبر 2008

Rahash

اليوم مرينا يم رهش للحلويات وقلنا ندخل نشوف شعنده
عنده اشكال حلويات
قرص عقيلي, قرص عقيلي بالككاو, قرص عقيلي بالمانجا, قرص عقيلي بالفراولة, قرص عقيلي بالرهش, درابيل, درابيل ككاو, درابيل دايت, ككاو وغيره
الككاو بلجيكي
وتمر محشي
خذيت شوية ككاو نجربة
وسامبلز من الحلويات القديمة
رهش له فرعين
بالديرة - برج الجاز ت: 22477857
بحولي - زاوية سنتر ت: 22636936