امس مرينا على مخبز امير الامراء بحولي
رفيجتي مادحه الصمون الصغار اللي عندهم حق اليمعات والريوق حلوين
عاد قلت اروح اشوف
مشاء الله تبارك الرحمن من الزحمة تعرف ان المخبز ممتاز
دخلت ومن كثر الاشياء الحلوة مادري شآخذ
بما اني من عشاق الحليب فأول شي اخترت تشكيله من البقصم
لسان الثور (ساده)
لسان الثور (باليانسون)
بقصم حلو بالسمسم
بسكوت
جلاش بالجبن والزعتر .. وايد مالح تحسفت خذيته
وهذا الصمون الميني (الصغار)
وهذي النتيجه بعد اللبنه والجبن .. سويت شوي منه حق الريوووق
المخبز في حولي مقابل حولي بارك تقريبا وبجانب بانزين حولي
هناك 11 تعليقًا:
لنا الله و احنا نطالع هالصور......!!!؟
و انتي بالصفاة من زمان لا تحاتين ان تأخر البوست و ما طلع بالصفاة
حده يشوق عليكم بالعافيه .. جني بروح اشتريلي عشان اتعشى فيه اليوم :)
االله يسامحج يوعتيني :(
exzombie
الله يعينك خخخخ
فاتو
الله يعافيج
روحي اشتري والله لذيذ
مشاري
بعد شسوي لووول
إي معروف أمير الامراء ما يبيله كلام ..بس شفت الصمون وتشوقت ..عليج بألف عافية :)
عليج بالف الف الف عافيه :)
تره عندهم توصيل منازل خخخخخخخ
Pink GirL
شلونج شخبارج؟
ان شالله صحة الوالدة زينة هالأيام؟
تصدقين حدي تشوقت من هالصور اللي انتي حاطتهم امبيه عاد انا اموت على المعجنات و هالسوالف
بجرب هالمخبز ما جربته من قبل
سويتي دعاية للمخبز لووول
يعطيج العافية
و صج اسم المخبز ذكرني بشغلة
أمَغَ أميغ الأُمَغاء بحفغِ بئغٍ في الصّحغاء
لوووول :)
ام مود
الله يعافيج حبيبتي
زلابيا
الله يعافيج يالغالية
منال
الحمدلله امي بخير ياقلبي
مشكورة على السؤال :)
وعلى فكرة صمونهم شوي ناشف ماحبيته
تحسفت اني شريت وايد
الأخت الكريمة صاحبة المدونة، عندما نتصفح الانترنت بحثا عن موضوع أو معلومة ونجدها نأخذها ونغادر بدون أن نشكر صاحبها أو ناقلها ولكن هذا ليس من طبعي فشكرا لك على هذه المعلومة حيث أني سائح وسمعت عن هذا المخبز ولكن لا أعرف مكانه ولآن عرفت ، فشكرا مرة أخرى والسلام عليكم ورحمة الله
أنا سعيد بالقرشي أعمل في ميدان مخبز ولدي خبرة كبير في ميدان و أبحت عن عمل في ميدان خرج مغرب 0659794142
إرسال تعليق