في القسم المخصص للكمبيوتر وملحقاته في سيتي سنتر (السالمية) حصلت هالقاعده اللي تبرد السيستم على الاب توب وعجبتني لأن لاب توبي الاسوس وايد يحتر قلت اخذها يمكن تخفف حرارته
هذي علبتها
الحلو فيها انها USB يعني ماتحتاج بطاريات ولا شي مجرد توصلونها بالاب توب تلقونها اشتغلت ومشاء الله تطلع هوااا بااااااااااااااااارد
ولو تدققون راح تلقون زرار تقدرون تسكرونها وتفتحونها بأي وقت
سيتي سنتر السالمية
السعر 2,350 دك
يا بعد جبدي
ردحذفكلج سنع
انامشكلتي لابتوبي صلخ فخوذي كله حارقني
مرسسي
:*
دوغيان
ردحذفوعليك بالعافية مقدما
حجيتنا
ردحذفامس مريت بست باي كنت باخذ لاب توب يا hp او الاسوس
اللي هناك قالي ان الاتش وايد يحتر و نصحني بالاسوس
كان اهون
نبي رايك الكريم بما انك مستخدمته
ترى على فكرة مدونتك ترى اهي صلتي بالعالم الخارجي خصوصا الاسواق
مشكوره على هالجهد
و عساك على القوة
العفو اخوي انتر كويت
ردحذفبالنسبة للأج بي شفته بس ماعرف احد مجربة من قبل
الاسوس استعماله حلوو بس عيبة يحتر بسرعه علشان جذي شريت القاعده اللي فيها مراوح اعتقد بتحل المشكله شوي
والشاشة بتعور عينك اول الايام لأنها وايد صغيرة بس بتتعود والبطارية ترى تخلص بسرعه يعني اقل من ساعه او ساعه وربع تكون مخلصة
هذي كل العيوب اللي اشوفها فيه بس هم عاجبني