اليوم سويت اكله بسيطة ولذيذة
خذيتها من كتاب المطاحن اليديد
المكونات
صدر دياية
مشروم مقطع
بقدونس
كزبرة
مكعب ماجي خضار
فص ثوم مهروس
كوب بصل مقطع
جيس توست
كريمة سائلة (KDD الزرقة)
موزريلا
بارميزان
اوريغانو
زيت زيتون
جبن قلاص (كرافت)
الطريقة
نقطع الدياي الى مكعبات ونزهب البقدونس والكزبرة مغسلين ومقطعين وجاهزين
نسخن قفشتين زيت زيتون ونحمر فيهم البصل مع الثوم المهروس لما يتضج شوي بعدين نحط مكعب الماجي
والكزبرة والبقدونس والمشروم بعدين الدياي ليما يستوي
ويصير شكله جذي
نقطع اطراف التوست ونحطة في بايريكس
نحط خلطة الدياي وفوقها نصف التوست ونكرر هالسالفة على حسب عمق البايريكس
اخر طبقة توست تصير جذي
نخلط الكريمة مع قفشتين جبن قلاص (كرافت)
نصبه على التوست ونرش فوقة البرميزان والموزريلا والاوريغانووندخلة الفرن على حرارة 180 لمدة 10 دقايق او لما يتحمر الجبن
طبقنــــا وقت التقديم هذا شكله
والطعم لذيـــــــــــــــــــــــــذ
طبقنــــا وقت التقديم هذا شكلهوالطعم لذيـــــــــــــــــــــــــذ
وعليكم بالف عافية :)
بالعافيه وتسلم ايديج :)))
ردحذفlm full
ردحذفbs thanks
:)
ome sawt-ha lena:D bs chnha shwai nashfa?
ردحذفoO jrbai trmso alchoco ale belktab
latheth:D
ale feh flek oO bel3afya;*
شكلها لذيذة وسهلة
ردحذفراح اسويها ان شاء الله
بالعافية يارب : )
اممممممممم شكلها لذيذ
ردحذفمن وين الكتاب لاني دورته بمكتبات ومركز سلطان ما حصلته ؟؟
Hey! I know this іs κinԁ of off topic but I was
ردحذفwondering if you knew where I coulԁ find a сaptсha plugіn fοr
my comment foгm? I'm using the same blog platform as yours and I'm hаving problems
finding one? Thаnκs a lot!
Hеre is my blog post ... houston garden centers main office