وصلني ايميل مقادير كنافة كب كيك شكلها وايد شوقني
وامس كنت معزومة فقلت اجربها
المقادير
كنافة (انا استخدمت ماركة الكرامه نص كيلو)
زبدة 250 جم
قشطة KDD
فستق مبشور
شيرة (انا شريتها جاهزة من الجمعية)
اول شي نفتح الكنافة
ونفتفتها بإيدنــا
نسيح الزبدة
نخلطها مع الكنافة مع التقليب علشان تختلط الزبدة بالكنافة كلها
ندهن ماعون الكب كيك بشوية زبدة
نحط طبقة من الكنافة لي لي النص ونرصها عدل
نحط القشطة بالنص واللي يحب يقدر يحط معاها لوز او اي شي ثاني
نحط طبقة ثانية ونضغط الاطراف فقط جنكم تغلفونها
ندخلها فرن متوسط الحرارة اول شي نشغل الفرن تحت وبعدين فوق ليما تتحمر شوي
نطلعها من الفرن وتكون بهالشكل ونحط على كل قطعه قفشتين شيرة
وبعدها نزينها بالفستق :)
وعليكم بألف عافية :)واللي تطبق تقول لنا
bel3afya bnkish
ردحذفshklhaa wayed 7lwo
enshalah engrbha
اممممممممممممممممممممممممممممممممم
ردحذفكلش مو شي اذا انتي مسويه رجيم و من امس الغدا و اول شي تشوفينه كنافه
ترى بيتي مايضيع و النقصه حلوه اذا سويتي كبتين حق اخييتج يزاج الله خير
بجربها باجر انشاء الله
ردحذفتسلم الايادي
ردحذفاكثر من رائعة
:)
mshalah shklha yshweeG :D
ردحذفbel3afya
ماشاءالله .. انزين من وين اشتري الكنافة؟
ردحذفيمي يمي..
ردحذفماشاءالله شكلها يشهي..
تسلم ايدج يارب..
اليوم جربتها لذييييييييييييييذة ولاااااايت مو نفس المطاعم
ردحذفيعطيج العافيه