شاليه 15/8/2008

قعدت من النوم ولا هالطير الحلووو يم دريشتي وبما ان صديقتي الكاميرا يمي خذيتلكم هالصورة

الريوق عصير برتقال المراعي <-- موذاك الزود

وبيض عيووون
بعدها لهيت شوي مع عيال اختي والاب توب وغيره
ووصل غداناااا من مرت خالي الله يعطيها العافية
سلطة
ديــاي

عيش مشخول

أجــــــار

تشريبة ديــاي

واكيد لبــــن

وبعد ساعة .. يالله البحر ناطرنا

كان جزر والماية مو شي .. بس عجبتني هالخطوط اللي على الرمل

يحليلهم الزبابييييييط .. يتحركووون

خدامتنا مسوية نفسها فاهمه ودشت البحر وقزها القنفذ

انزين دامه قزج شكوو شايلته بيدج ويايبته على الياااال ؟؟؟ ليلحين ماني فاهمه
ولد اختي وولد رفيجتي حدهم مكيفين

ورفيجتي ماقصرت شاريه لهم العاب بحر بدعووووو فينا صرنا كلنا رمل

لاحظتوا لابسين سباحات مادري شكوووو بالرمل لوول
حتى بطل الماي ماسلم من لعبهم
هذي دووول

وهذا سيد قبقب وصــــل

عجبتني هذي جنها بار ككاو وسط الرمل

مسكينه رفيجتي امس سهرانه تسوي بهالكب كيك آخر الشي الخدام قلبووه وصار لوووية :(
عشانا اليوم فطاير

شكرا صـــافي .. كان لذيذ

السويت كان انجليش كيك

وبوظة الفـارس

بال 1 رحنا البحر وقعدنا على اليال نسولف خوووش جو مشاء الله براد والقعده حلوة

وبعد صلاة الفجر كل واحد حط راسة على مخدته ورااااح بسابع نومة